Rabiye qadir xanim xitayning 'olimpikke buzghunchiliq qiliwatidu' dep eyibligenlikige reddiye berdi

Xitayning 'shinxu'a agéntliqi' bügün 5 ‏- ayning 30 ‏- küni "sherqiy türkistanchilar 6 ‏- aydiki olimpik mesh'ilini uzutush pa'aliyitini qarigha almaqta' serlewhilik bir xewer élan qildi. Bu xewerde, Uyghur milliy herikitining yétekchisi, dunya Uyghur qurultéyining re'isi rabiye qadir xanimni 'xitay hökümiti olimpik mesh'ilini uzutush pa'aliyiti arqiliq Uyghurlarni basturuwatidu, dep ighwa tarqatti' we 'xelq'ara teshkilatlarni olimpik mesh'ilini shinjangdin ötküzüshni emeldin qaldurushqa küshkürtti' dep eyiblidi.
Muxbirimiz weli xewiri
2008-05-30
Élxet
Pikir
Share
Print
2008 - Yili 20 - april küni bérlinda échilghan yighinda d u q reisi, uyghurlarning meniwi anisi rabiye qadir xanim échilish nutqi sözlidi.
2008 - Yili 20 - april küni bérlinda échilghan yighinda d u q reisi, uyghurlarning meniwi anisi rabiye qadir xanim échilish nutqi sözlidi.
Photo: RFA

 Uyghur milliy herikitining yétekchisi, dunya Uyghur qurultéyining re'isi rabiye xanim xitay hökümitining bundaq eyiblishige reddiye berdi. Rabiye xanim sözide kommunist xitay hökümitini olimpik musabiqisi ötküzüsh salahiyiti yoq dep körsetti.

Shinxu'a agéntliqining bu xewiride dunya Uyghur qurultéyining bash katibi dolqun eysani 'yaponiyige barghanda, xitay hökümiti Uyghur medeniyitini yoqitishni yolgha qoyuwatidu, dep ighwa tarqatti' dep eyibligen idi. Dolqun eysa ependi xitay hökümitining Uyghur medeniyitini yoq qiliwatqanliqining pakitlirini otturigha qoyup, xitay hökümitige reddiye berdi.
 
Shinxu'a agéntliqining bu xewiride yene, dunya Uyghur qurultéyining bayanatchisi dilshat rishitnimu 'xitay hökümiti olimpik mesh'ilini uzutush dégen nam bilen Uyghurlargha qarita kishilik hoquq apiti keltürüwatidu, dep ighwa tarqatti' dep eyibligen idi. Dilshat rishit ependimu bu konkrét mezmun buyiche xitay hökümitige reddiye berdi.

Toluq bet