Сәуди әрәбистандики уйғурларниң һейт шатлиқи

Сәуди әрәбистанида уйғурларниң көп қисми бу күнләрдә һәҗ паалийити билән мәшғул болғанлиқтин, улар һейтлишиш ишлирини һәҗдин кейинки күнләргә кечиктүриду.
Мухбиримиз өмәрҗан тохти
2009-11-27
Елхәт
Пикир
Share
Принт
Сүрәт, мәккидики һәҗ паалийитидин бир көрүнүш.
Сүрәт, мәккидики һәҗ паалийитидин бир көрүнүш.
www.english.globalarabnetwork.com Дин елинди.

Һөрмәтлик оқурмәнләр, төвәндә сәуди әрәбистаниниң җиддә шәһиридә яшайдиған бәзи уйғур қериндашлиримиз вә уйғур балилар билән елип барған сөһбитимизни тәқдим қилимиз.

Әли рози һаҗим билән сөһбәт

Сәуди әрәбистаниниң җиддә шәһиридә турушлуқ әли рози һаҗим қурбан һейт мунасивити билән сөһбитимизни қобул қилған иди, у мундақ деди:" аллаһқа шүкүр ейтимән. Мән бу йәрдә туруватқинимға он бәш йил болай дәп қалди. Бу җайдики қурбан һейт бизниң вәтәндикигә ошимайду. Чүнки бу җай икки һәрәм җайлашқан орун болғанлиқтин, қурбан һейт күнлиридә бу җайдики әрәб, уйғур вә башқа милләтләрниң көпинчиси мәккигә берип һәҗ қилиш билән мәшғул болиду. Шуңа пәқәт һәҗ паалийәтлири ахирлашқандин кейинла, уларниң өз ‏- ара һейтлашқинини көрәләймиз. Бизниң вәтәндикидәк җамаәт болуп һейтлаш ишлири бурун бу җайларда болған болсиму, һазир шәһәрләр тәрәққи қилип уйғурлар тарқилип яшашқа өткәндин кейин, өз ‏- ара җамаәт болуп һейтлаш ишлири азийип кәткән."

Муһаҗирәттики уйғур пәрзәнтлириниң қурбан һейт хушаллиқи

Әли рози һаҗим балиларниң муһаҗирәттики һейт ойнаш кәйпияти һәққидә сориған соалимизға җаваб берип мундақ деди: "балиларниң һейт хушаллиқи үчүн, бу җайларда мәхсус балилар бағчилири болиду, балилар шу җайларға берип һәр хил оюнлар билән көңүллирини хуш қилишқа тиришиду. Һәҗгә чиқмиғанлар қурбанлиқ қилиду, балилар қурбанлиқтин бәк хушлиниду. Балилар қурбанлиқ гөшигә еғиз тигиш билән биргә, кәмбәғәлләргә айрилған қурбанлиқ гөшини атилири билән бирликтә тарқитишқа қатнишиду, буниңдин балилар йоқсулларға хәйр - сахавәт қилишни өгиниду. Қандақла болмисун, һейт - айәмләр өзимизниң ана вәтинидикидәк һузурлуқ болмайдикән."

Балилар билән сөһбәт

Сәуди әрәбистаниниң җиддә шәһиридә ата - анилириниң һәмраһлиқида һейтлишиватқан уйғур пәрзәнтлири омумән өзлириниң компиотер оюнлири билән көңүл ечишни әвзәл көридиғанлиқини, һейт күнлиридә вақитлирини достлири билән һейтлишиш, деңиз бойлирида саяһәт қилиш вә балилар бағчилирида көңүл ечиш билән өткүзидиғанлиқини ейтишти шундақла өзлириниң ана вәтинигә тәлпүнидиғанлиқини билдүрүшти.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Толуқ бәт