Se'udi erebistandiki Uyghurlarning héyt shatliqi

Se'udi erebistanida Uyghurlarning köp qismi bu künlerde hej pa'aliyiti bilen meshghul bolghanliqtin, ular héytlishish ishlirini hejdin kéyinki künlerge kéchiktüridu.
Muxbirimiz ömerjan toxti
2009-11-27
Élxet
Pikir
Share
Print
Süret, mekkidiki hej pa'aliyitidin bir körünüsh.
Süret, mekkidiki hej pa'aliyitidin bir körünüsh.
www.english.globalarabnetwork.com Din élindi.

Hörmetlik oqurmenler, töwende se'udi erebistanining jidde shehiride yashaydighan bezi Uyghur qérindashlirimiz we Uyghur balilar bilen élip barghan söhbitimizni teqdim qilimiz.

Eli rozi hajim bilen söhbet

Se'udi erebistanining jidde shehiride turushluq eli rozi hajim qurban héyt munasiwiti bilen söhbitimizni qobul qilghan idi, u mundaq dédi:" allahqa shükür éytimen. Men bu yerde turuwatqinimgha on besh yil bolay dep qaldi. Bu jaydiki qurban héyt bizning wetendikige oshimaydu. Chünki bu jay ikki herem jaylashqan orun bolghanliqtin, qurban héyt künliride bu jaydiki ereb, Uyghur we bashqa milletlerning köpinchisi mekkige bérip hej qilish bilen meshghul bolidu. Shunga peqet hej pa'aliyetliri axirlashqandin kéyinla, ularning öz ‏- ara héytlashqinini köreleymiz. Bizning wetendikidek jama'et bolup héytlash ishliri burun bu jaylarda bolghan bolsimu, hazir sheherler tereqqi qilip Uyghurlar tarqilip yashashqa ötkendin kéyin, öz ‏- ara jama'et bolup héytlash ishliri aziyip ketken."

Muhajirettiki Uyghur perzentlirining qurban héyt xushalliqi

Eli rozi hajim balilarning muhajirettiki héyt oynash keypiyati heqqide sorighan so'alimizgha jawab bérip mundaq dédi: "balilarning héyt xushalliqi üchün, bu jaylarda mexsus balilar baghchiliri bolidu, balilar shu jaylargha bérip her xil oyunlar bilen köngüllirini xush qilishqa tirishidu. Hejge chiqmighanlar qurbanliq qilidu, balilar qurbanliqtin bek xushlinidu. Balilar qurbanliq göshige éghiz tigish bilen birge, kembeghellerge ayrilghan qurbanliq göshini atiliri bilen birlikte tarqitishqa qatnishidu, buningdin balilar yoqsullargha xeyr - saxawet qilishni öginidu. Qandaqla bolmisun, héyt - ayemler özimizning ana wetinidikidek huzurluq bolmaydiken."

Balilar bilen söhbet

Se'udi erebistanining jidde shehiride ata - anilirining hemrahliqida héytlishiwatqan Uyghur perzentliri omumen özlirining kompi'otér oyunliri bilen köngül échishni ewzel köridighanliqini, héyt künliride waqitlirini dostliri bilen héytlishish, déngiz boylirida sayahet qilish we balilar baghchilirida köngül échish bilen ötküzidighanliqini éytishti shundaqla özlirining ana wetinige telpünidighanliqini bildürüshti.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet