Kanada saqchi da'irliri xitaylarning saxta plastinka sodisigha zerbe berdi

2006-12-29
Élxet
Pikir
Share
Print

Rozdéstwo bayrimining aldi keyni we yéngi yilning harpilirida kanadadiki xitaylarning qanunsiz yol bilen köchürilidighan plastinka sodisi téximu awatliship kétidu. Bashqa döletlerdiki xitaylargha oxshash kanadadiki xitaylarmu bu xil tiz ünümini körgili we tiz béyighili bolidighan soda bilen shughullinishqa xushtar. Amma kanada saqchi da'irliri nuqtiliq élip bérilghan bir qanche qétimliq tekshürüsh we zerbe bérish heriketliri arqiliq, qanunsiz plastinka sodisi bilen shughullan'ghan xitaylarni qolgha aldi we ularning dukanliri péchetlidi. Nahayiti köp miqdardiki qanunsiz plastinka buyumlirini qolgha chüshürdi.

Mutexessisler saxta mal ishlepchiqirish we bu xil soda bilen shughullinish xitaylarning medeniyet en'enisidin kelgen, dep qarimaqta.

Ejellik zerbe

Kananadaning toronto shehiridiki xitaylar merkezlik olturaqlashqan xitay bazarliri saxta mallar we qanunsiz buyumlar pulgha aylandurulidighan dunyadiki asasliq merkezlerning biri. Amma rozdéstwo bayrimining aldi-keyni we yéngi yilning harpisida kanada saqchi da'irliri bir qanche qétim nuqtiliq zerbe bérish herkiti élip bérip, xitaylarning bu qanunsiz sodisigha ejellik zerbe berdi.

Mexsus qanunsiz plastinka sodisi bilen shughullinidighan nahayiti chong guruhlarni pash qildi, ularning plastinka köpeytidighan ügilirini we üskünilirini pachaqlap tashlidi, dukanlirini péchetlidi.

Saqchi terepning eskertishiche, hetta bezi xitaylar dukanlirini qanunsiz köchürgen CD, VCD DVD largha oxshash buyumlarni ashkara satidighan merkezge aylandurghan bolsa, ular yene dukanlirining ikkinchi qewitlirinimu kiralap, bu yerge mexsus köchürüsh üskünilirini ornatqan we plastinka köpeytish bilen meshghul bolghan bu qanunsiz unsurlarni qolgha aldi.

Bu herket axirlashqandin kéyin saqchi emeldari John Kelley kanada jama'itige melumat bérip: biz plastinka sana'iti jem'iyiti teminligen toluq matériyallargha asasen bu tekshürüsh heriktini élip bérip, köp miqdardiki qanunsiz maddi buyumni qolgha chüshürduq. Bir qisim kishilerni qolgha alduq, dédi.

Saqchi terepning bildürüshiche, rozdéstwo bayrimining aldi keyni we yéngi yilning harpilirida xitay bazarlirida qanunsiz plastinka sodisi da'im chap-chap bolidiken.

Xitaylar qanunsiz tijaretni tiz béyishning yoli qiliwalghan

Saqchi terep ayal bayanatchisining eskertishiche ular yéqinda téximu keng –kölemdiki tekshürüsh we zerbe bérish heriketlirini élip baridiken. U mundaq deydu: "biz bu rayondiki ahalilar teminligen uchurlar arqiliq, téximu köp yip uchigha ige bolduq. Biz qanunsiz yol arqiliq köchürülgen plastinka we saxta mal ishlepchiqirish, sétish heriketlirige hergizmu yumshaq qolluq qilmaymiz". Uning tonushturishiche, aldinqi yili, ular yéngi yilning harpisida xitaylarning soda rayunida tuyuqsiz tekshürüsh élip barghanda 400 ming danidin artuq qanunsiz köchürülgen plastinkini qolgha chüshürgen we bu herikette 15 neper xitayni qolgha alghaniken. Qolgha chüshürülgen plastinka we üskinilerning qimmiti neche on milyon dollargha yétidiken.

Bu bayanatchining misalgha élishigha qarighanda, bu bazarda plastinka sodisi bilen shughullinidighan lyu chaw isimlik bir neper xitay, aldinqi yili qanunsiz plastinka sodisi jinayiti bilen qolgha élin'ghan we kéyin uninggha jerimane bérip, quyup bergen bolsimu amma u, bu yil qanunsiz plastinka tijaritining da'irisini neche on hesse kéngeytken. U bu qétim neche on milyon dollarliq köpeytish üskinisi we qanunsiz plastinka buyumliri bilen qolgha chüshken.

Saxta mal xitay medeniyitidin kelgen

Saqchi da'irlirining bildürishiche, qolgha chüshürülgen bu plastinkilarning bir qismini dukan igiliri özliri köpeytken bolsa, yene bir qismi xitaydin kelgeniken. Kanada da'irliri bu nuqtigha alahide diqqet qilmaqta.

Qanunsiz plastinka sodisi gherb döletlirining béshini aghritiwatqan mesile bolmaqta, ular bu mesilide xitay hökümitige bésim ishlitip kelmekte.

Kanadada xitay we wyétnamdin kelgen köchmenler bu qanunsiz plastinka sodisi bilen shughullinidu.

Kanada gézitlirining ashkarilishiche kanada hökümiti köchmen qobul qilish shertlirini asanlashturghandin kéyin, xitaydin bir qisim qanunsiz unsurlar kanadagha singip kirgen.

Mutexessisler, nöwette xitay saqta malning asasliq menbesi, saxta mal sodisi xitay medeniyitin kelgen, dep qarimaqta.

Pikirler (0)
Share
Toluq bet