Sebiy balilargha sün'iy qérindashliq siyasiti téngilmaqta

5 - Iyul ürümchi weqesidin kéyin, xitay da'iriliri weqening qozghilish sewebini gerche chet'ellerdiki bölgünchi küchlerge artish arqiliq özining milliy siyasitini qoghdashqa urun'ghan bolsimu, emma weqedin kéyin béyjingda échilghan shinjang xizmiti yighini we uningda élin'ghan bezibir muhim qararlar shundaqla Uyghur aptonom rayonluq hökümetning sabiq bash sékritari wang léchu'enning wezipidin qaldurulushi hemde bezibir taktika özgertishke qarap ilgirileshler küzetküchiler teripidin xitay hökümitining milliy siyasitidiki xataliqni étirap qilishi dep mulahize qilindi.
Muxbirimiz irade
2010-07-27
Élxet
Pikir
Share
Print
Sürette xitay saqchiliri ürümchidiki milletler ittipaqliqini küyleydighan bir teshwiqat wiwiskisi tüwidin ötmekte
Sürette xitay saqchiliri ürümchidiki milletler ittipaqliqini küyleydighan bir teshwiqat wiwiskisi tüwidin ötmekte
Photo: RFA

Xitay da'iriliri ürümchi weqesidin kéyin bir qatar jiddiy iqtisadiy tedbirlerni yolgha qoyush bilen birlikte yene, idiye qurulushinimu ching tutup élip bérip, Uyghur rayonida "milletler ittipaqliqi" we "üch ayrilalmasliq" qatarliq shu'arlarni téximu küchep teshwiq qilishqa bashlidi. Xitay da'iriliri chonglargha qaratqan teshwiq bilenla cheklinip qalmay, yash - ösmürler arisidimu milletler ittipaqliqi terbiyisini kücheytip, ularda kichikidin bashlapla milletler bir - biridin ayrilalmasliq we hemme kishi jungxu'a puqrasi deydighan idiyini turghuzush xizmitini ishleshke bashlighan.

Shinxu'a agéntliqining tarqatqan xewiridin melum bolushiche, Uyghur aptonom rayonluq ittipaq komitéti yash - ösmürler arisida bir milyon yash - ösmürning milletler ittipaqliqi boyiche "qolni qolgha tutushush" herikiti we shundaqla " töt chüshenche birliki" deydighan bir istratégiyini tüzüp chiqqan. Igilinishiche, bu " töt chüshenche birliki" dégenlik her millet yash - ösmürliri arisidiki chüshenche birliki, xenzu a'ile bashliqlirining az sanliq millet yash - ösmürlirige bolghan chüshenche birliki, her millet yash - ösmürlirining ata - aniliri arisidiki öz - ara chüshenche birliki dégenlik iken.

Xewerdin melum bolushiche, yuqiridiki shu'arlargha bina'en jenubiy Uyghur rayonidin 5000 neper az sanliq millet ösmürliri bilen ürümchi we sanjida olturushluq 5000 ming neper xitay ösmürliri arisida ayda ikki parche salam xet yézishish, heptide bir qétim téléfonda sözlishish belgilep bérilgen.

Biz bu heqte melumat élish üchün qeshqerning melum bir nahiyisige téléfon qilip, bir Uyghur qiz bilen nöwettiki weziyet heqqide söhbet élip barduq. Töwende söhbitimizning bir qisim yerlirini siler bilen ortaqlashmaqchi. U bizdin özining ismi we éniq ornini ashkarilimasliqimizni telep qildi.

Hörmetlik radi'o anglighuchilar, siler yuqirida anglighandek téléfonimizgha chiqqan bu qiz Uyghur xelqining heqiqiy arzusining we könglidin kechkenlerni belkim shu axirqi sözi bilen bizge yighinchaqlap bergen bolsa kérek. Yeni közetküchilerning éytqinidek, Uyghur rayonidiki milliy ziddiyet qandaqtu milletler ittipaqliqi terbiyisi bilen emes, belki aptonomiye qanunida belgilen'genlerni eynen ijra qilish we Uyghurlarning medeniy, diniy heq - hoquqlirigha heqiqiy türde hörmet qilish bilen hel bolidu.

Yuqiridiki ulinishtin bu progirammining tepsilatini anglighaysiler.
Toluq bet