Истанбулда, 'чүштин реаллиққа қарап: шәрқий түркистан' намлиқ рәсим көргәзмиси ечилди

2009 ‏- Йили 10 ‏- айниң 5 ‏- күни истанбулниң бәйоғлу районидики зираәт банкисиниң тунил сәнәт көргәзмиханисида "чүштин реаллиққа қарап: шәрқий түркистан" намлиқ рәсим көргәзмиси ечилди.
Мухбиримиз арислан
2009-10-14
Елхәт
Пикир
Share
Принт
Сүрәт, 2009 ‏- йили 10 ‏- айниң 5 ‏- күни истанбулниң бәйоғлу районидики зираәт банкисиниң тунил сәнәт көргәзмиханисида ечилған "чүштин реаллиққа қарап: шәрқий түркистан" намлиқ рәсим көргәзмисидин көрүнүшләр булуп, сүрәттики телефон сөзлишиватқан киши әсәр сака ханим.
Сүрәт, 2009 ‏- йили 10 ‏- айниң 5 ‏- күни истанбулниң бәйоғлу районидики зираәт банкисиниң тунил сәнәт көргәзмиханисида ечилған "чүштин реаллиққа қарап: шәрқий түркистан" намлиқ рәсим көргәзмисидин көрүнүшләр булуп, сүрәттики телефон сөзлишиватқан киши әсәр сака ханим.
RFA Photo / Arslan

10 ‏- Айниң 23 ‏- күнигичә давам қилидиған бу рәсим көргәзмисиниң ечилиш мурасимиға истанбулдики иҗтимаий тәшкилат рәһбәрлири вә истанбулда яшаватқан уйғурлардин болуп көп санда киши қатнашти.

Бу рәсим көргәзмсини түркийилик әсәр сакаханим исимлик бир уйғур аял ачқан. У аялниң дадиси 1946 ‏- йилларда қәшқәрдин түркийигә келип олтурақлишип қалған вә юртиға қайталмай түркийидә вапат болған икән.

Бу рәсим көргәзмисигә уйғурларға аит 60 парчә рәсим қоюлған болуп, рәсимләр асаслиқи уйғурларниң иҗтимаий һаятлири, өрп - адәтлири, яшаш усуллири, қәдими бинакарлиқ сәнити вә чалғу әсваблири әкс әттүрүлгән болуп. Мәзкур рәсимләрни әсәр сакаханим 2008 ‏- йили қәшқәргә зиярәткә барғанда өзи сүрәткә тартип елип кәлгән икән.

Әсәр сака ханим бу рәсим көргәзмисини ечиштики асасий мәқсити һәққидә тохтилип мундақ деди: "һәр қандақ бир инсанниң туғулған вә чоң болған бир юрти болиду, шәрқий түркистан, қәшқәр мән туғулмиған болсамму, дадамниң туғулуп өскән юрти, охшашла мениңму юртум. Бу рәсим көргәзмисини ечштики мәқситим, шәрқий түркистанниң тарихи вә мәдәнийитини, күндилик яшаш усулини түркийигә вә пүткүл дуня тонутуш. Мән бәк арзу қилған вәтинимгә бардим , у йәрни зиярәт қилдим. Вә у йәрни рәсимгә тартип кәлдим. Кейин, сәнәтчи бир достум маңа, бунчила муһим вә гүзәл рәсимләрниң ташлинип қалмаслиқини вә көргәзмә ечиш тәклипини бәрди. Униң тәклипини хушаллиқ билән қобул қилдим, чүнки бу рәсимләр һәм вәтинимниң рәсимлири һәм бәк гүзәл рәсимләр иди. Кейин у достумниң ярдими билән мушундақ көргәзмә ечип бу рәсимләрни қоюш арқилиқ вәтинимни тонутуватимән."

Әсәр сака ханим 1958 ‏- йили түркийиниң газиантип шәһиридә бир уйғур аилисидә дуняға кәлгән. 1979 ‏- Йили әнқәрә университетиниң тил ‏вә тарих ‏- җуғрапийә факултетини пүттүргән, һазир түркийә баш министирлиқида мәмурий хадим болуп хизмәт қилмақта.

Әсәр сака ханим рәсим көргәзмә ечиш билән биргә йәнә, һәр хил гезит ‏- журналларда мәдәнийәт вә күлтүр темилирида мақалә язмақта. Униң "уйғур таам күлтүри вә тамақлири" вә "чүштин реаллиққа қарап: шәрқий түркистан" намларда китаблири нәшир қилинди.

Әсәр сака ханим 2009 ‏- йили 4 ‏- айда әнқәрәниң миллий пиянго сәнәт көргәзмә залида бир қетим рәсим көргәзмиси ачқан иди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)
Share
Толуқ бәт