Istanbulda, 'chüshtin ré'alliqqa qarap: sherqiy türkistan' namliq resim körgezmisi échildi

2009 ‏- Yili 10 ‏- ayning 5 ‏- küni istanbulning bey'oghlu rayonidiki zira'et bankisining tunil sen'et körgezmixanisida "chüshtin ré'alliqqa qarap: sherqiy türkistan" namliq resim körgezmisi échildi.
Muxbirimiz arislan
2009-10-14
Élxet
Pikir
Share
Print
Süret, 2009 ‏- yili 10 ‏- ayning 5 ‏- küni istanbulning beyoghlu rayonidiki ziraet bankisining tunil senet körgezmixanisida échilghan "chüshtin réalliqqa qarap: sherqiy türkistan" namliq resim körgezmisidin körünüshler bulup, sürettiki téléfon sözlishiwatqan kishi eser saka xanim.
Süret, 2009 ‏- yili 10 ‏- ayning 5 ‏- küni istanbulning beyoghlu rayonidiki ziraet bankisining tunil senet körgezmixanisida échilghan "chüshtin réalliqqa qarap: sherqiy türkistan" namliq resim körgezmisidin körünüshler bulup, sürettiki téléfon sözlishiwatqan kishi eser saka xanim.
RFA Photo / Arslan

10 ‏- Ayning 23 ‏- künigiche dawam qilidighan bu resim körgezmisining échilish murasimigha istanbuldiki ijtima'iy teshkilat rehberliri we istanbulda yashawatqan Uyghurlardin bolup köp sanda kishi qatnashti.

Bu resim körgezmsini türkiyilik eser sakaxanim isimlik bir Uyghur ayal achqan. U ayalning dadisi 1946 ‏- yillarda qeshqerdin türkiyige kélip olturaqliship qalghan we yurtigha qaytalmay türkiyide wapat bolghan iken.

Bu resim körgezmisige Uyghurlargha a'it 60 parche resim qoyulghan bolup, resimler asasliqi Uyghurlarning ijtima'iy hayatliri, örp - adetliri, yashash usulliri, qedimi binakarliq sen'iti we chalghu eswabliri eks ettürülgen bolup. Mezkur resimlerni eser sakaxanim 2008 ‏- yili qeshqerge ziyaretke barghanda özi süretke tartip élip kelgen iken.

Eser saka xanim bu resim körgezmisini échishtiki asasiy meqsiti heqqide toxtilip mundaq dédi: "her qandaq bir insanning tughulghan we chong bolghan bir yurti bolidu, sherqiy türkistan, qeshqer men tughulmighan bolsammu, dadamning tughulup ösken yurti, oxshashla méningmu yurtum. Bu resim körgezmisini échshtiki meqsitim, sherqiy türkistanning tarixi we medeniyitini, kündilik yashash usulini türkiyige we pütkül dunya tonutush. Men bek arzu qilghan wetinimge bardim , u yerni ziyaret qildim. We u yerni resimge tartip keldim. Kéyin, sen'etchi bir dostum manga, bunchila muhim we güzel resimlerning tashlinip qalmasliqini we körgezme échish teklipini berdi. Uning teklipini xushalliq bilen qobul qildim, chünki bu resimler hem wetinimning resimliri hem bek güzel resimler idi. Kéyin u dostumning yardimi bilen mushundaq körgezme échip bu resimlerni qoyush arqiliq wetinimni tonutuwatimen."

Eser saka xanim 1958 ‏- yili türkiyining gazi'antip shehiride bir Uyghur a'iliside dunyagha kelgen. 1979 ‏- Yili enqere uniwérsitétining til ‏we tarix ‏- jughrapiye fakultétini püttürgen, hazir türkiye bash ministirliqida memuriy xadim bolup xizmet qilmaqta.

Eser saka xanim resim körgezme échish bilen birge yene, her xil gézit ‏- zhurnallarda medeniyet we kültür témilirida maqale yazmaqta. Uning "Uyghur ta'am kültüri we tamaqliri" we "chüshtin ré'alliqqa qarap: sherqiy türkistan" namlarda kitabliri neshir qilindi.

Eser saka xanim 2009 ‏- yili 4 ‏- ayda enqerening milliy piyan'go sen'et körgezme zalida bir qétim resim körgezmisi achqan idi.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet