Шиәндики 'түрк прамидалири' қандақ бир пирамида?

Йеқиндин буян бәзи издәнгүчиләр шәнниң лиңтуң наһийиси әтрапида чоң - кичик йүздин артуқ "прамида" ниң барлиқини вә бу прамидаларниң қәдимий түркий хәлқләргә аит икәнликини илгири сүрмәктә.
Мухбиримиз ирадә
2010-04-05
Елхәт
Пикир
Share
Принт
Мәхпий тутулған уйғур прамидалириниң көрүнүшлири. Барлиқ сүрәтләр, http://www.turkdirlik.com  Дики аптор муһаррәм қиличниң мақалисидин елинди.
Мәхпий тутулған уйғур прамидалириниң көрүнүшлири. Барлиқ сүрәтләр, http://www.turkdirlik.com Дики аптор муһаррәм қиличниң мақалисидин елинди.
Source: http://www.turkdirlik.com / by Muharrem Kılıç

Бу һәқтики хәвәр вә рәсим көрүнүшлири һәр қайси тор бәтләрдә тарқилип, қизғин муназириләр елип берилмақта. Йеқинда түркийилик бир издәнгүчи вә язғучи болған октан кәләш бу төпиликләрни зиярәт қилған болуп, у түрк мәтбуатлириға бәргән мәлуматида,өзиниң прамидаларниң ичидә қәдимий мумяларни вә тамларға оюлған ай, юлтуз вә бөриниң баш сүритини көргәнликини баян қилип, бу төпиликләрниң қәдимий түркләргә аит икәнликини илгири сүргән.

Ундақта, қәдимий түркләргә аит икәнлики илгири сүрүлүватқан бу прамидалар зади қандақ прамида ? буниң қәдимий түркий хәлқләрниң тарихи билән қанчилик бағлиниши бар? биз бу һәқтә тәпсилий мәлумат елиш үчүн түркийә һаҗәттәпә университетиниң тарих пәнлири оқутқучиси, дотсент доктор әркин әкрәм әпәнди билән сөһбәт елип бардуқ.
Мәхпий тутулған уйғур прамидалириниң көрүнүшлири
http://www.turkdirlik.com / Мәхпий тутулған уйғур прамидалириниң көрүнүшлири http://www.turkdirlik.com

Доктор әркин әкрәм әпәндиниң билдүрүшичә, бу прамидаларни 2 - дуня уруши мәзгилидә дәсләптә бир америкилиқ лютчек байқап, униң рәсимлирини тартип елан қилған. Соғуқ уруш мәзгилидә бу мәсилигә һечким қизиқмиған. Әмма кейинки йилларда бу мәсилигә болған қизиқиш артип издәнгүчиләр мәзкур орунға берип издиниш елип барған.

Әркин әкрәм әпәндиниң билдүрүшичә, бу әслидә мазарлиқ болуп, таң дәвридә охшимиған милләтләрниң дәпнә қилиш адәтлири қобул қилинған. Таң дәвридики падишаһлар вә генираллар түркләрниң дәпнә қилиш адәтлирини қобул қилип, әнә шундақ прамидаларға охшайдиған игиз - игиз қурғанларни(мазарларни) ясатқан. Әлвәттә бу қурғанларниң ичидә әйни вақиттики оттура асиялиқларға, уйғурларға, қәдимий түркләргә аит кишиләрниң мазарлириму бар болуп, бу мазарлиқлар әйни вақитта таң ордисида хизмәт қилған, шу йәрләрдә тиҗарәт қиливатқан кишиләргә аит болуши мумкин икән. Мана бу хил чирайи хитайға охшимайдиған мумяларниң кишиләрдә бу мазарлиқлар түркләргә аит болуши мумкин дәйдиған бир чүшәнчини пәйда қилип қойғанлиқини билдүрди.

Әмма,доктор әркин әкрәм әпәнди, бу хил көз қарашларниң бир милләтниң издиниш роһини қозғашқа вә техиму көп тарихий сирларниң йешилишигә пайдилиқ икәнликини билдүрди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Толуқ бәт