Shi'endiki 'türk pramidaliri' qandaq bir piramida?

Yéqindin buyan bezi izden'güchiler sh'enning lingtung nahiyisi etrapida chong - kichik yüzdin artuq "pramida" ning barliqini we bu pramidalarning qedimiy türkiy xelqlerge a'it ikenlikini ilgiri sürmekte.
Muxbirimiz irade
2010-04-05
Élxet
Pikir
Share
Print
Mexpiy tutulghan uyghur pramidalirining körünüshliri. Barliq süretler, http://www.turkdirlik.com  Diki aptor muharrem qilichning maqalisidin élindi.
Mexpiy tutulghan uyghur pramidalirining körünüshliri. Barliq süretler, http://www.turkdirlik.com Diki aptor muharrem qilichning maqalisidin élindi.
Source: http://www.turkdirlik.com / by Muharrem Kılıç

Bu heqtiki xewer we resim körünüshliri her qaysi tor betlerde tarqilip, qizghin munaziriler élip bérilmaqta. Yéqinda türkiyilik bir izden'güchi we yazghuchi bolghan oktan kelesh bu töpiliklerni ziyaret qilghan bolup, u türk metbu'atlirigha bergen melumatida,özining pramidalarning ichide qedimiy mumyalarni we tamlargha oyulghan ay, yultuz we börining bash süritini körgenlikini bayan qilip, bu töpiliklerning qedimiy türklerge a'it ikenlikini ilgiri sürgen.

Undaqta, qedimiy türklerge a'it ikenliki ilgiri sürülüwatqan bu pramidalar zadi qandaq pramida ? buning qedimiy türkiy xelqlerning tarixi bilen qanchilik baghlinishi bar? biz bu heqte tepsiliy melumat élish üchün türkiye hajettepe uniwérsitétining tarix penliri oqutquchisi, dotsént doktor erkin ekrem ependi bilen söhbet élip barduq.
Mexpiy tutulghan uyghur pramidalirining körünüshliri
http://www.turkdirlik.com / Mexpiy tutulghan uyghur pramidalirining körünüshliri http://www.turkdirlik.com

Doktor erkin ekrem ependining bildürüshiche, bu pramidalarni 2 - dunya urushi mezgilide deslepte bir amérikiliq lyutchék bayqap, uning resimlirini tartip élan qilghan. Soghuq urush mezgilide bu mesilige héchkim qiziqmighan. Emma kéyinki yillarda bu mesilige bolghan qiziqish artip izden'güchiler mezkur orun'gha bérip izdinish élip barghan.

Erkin ekrem ependining bildürüshiche, bu eslide mazarliq bolup, tang dewride oxshimighan milletlerning depne qilish adetliri qobul qilin'ghan. Tang dewridiki padishahlar we génirallar türklerning depne qilish adetlirini qobul qilip, ene shundaq pramidalargha oxshaydighan igiz - igiz qurghanlarni(mazarlarni) yasatqan. Elwette bu qurghanlarning ichide eyni waqittiki ottura asiyaliqlargha, Uyghurlargha, qedimiy türklerge a'it kishilerning mazarlirimu bar bolup, bu mazarliqlar eyni waqitta tang ordisida xizmet qilghan, shu yerlerde tijaret qiliwatqan kishilerge a'it bolushi mumkin iken. Mana bu xil chirayi xitaygha oxshimaydighan mumyalarning kishilerde bu mazarliqlar türklerge a'it bolushi mumkin deydighan bir chüshenchini peyda qilip qoyghanliqini bildürdi.

Emma,doktor erkin ekrem ependi, bu xil köz qarashlarning bir milletning izdinish rohini qozghashqa we téximu köp tarixiy sirlarning yéshilishige paydiliq ikenlikini bildürdi.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet