Shiwétsiyide Uyghurlar toghrisida resim körgezmisi

Shiwétsiyide bir qanche yildin biri Uyghurlarning siyasi teqdiri, ijitima'i hayati heqqide izdiniwatqan we Uyghur élining yéza - qishlaqliridin tartip kelgen resimliri bilen resim körgezmisi échip Uyghurlarning hazirqi ri'alliqini shiwét xelqighe harmay chüshendürüp kiliwatqan pér éngistüröm ependi shiwétsiyining jenubidiki chong sheher bolghan malmö shehiride özining yene bir qétimliq bir aygha suzulghan resim körgezmisini bashlighan.
Muxbirimiz yalqun
2009-02-10
Élxet
Pikir
Share
Print
7 - Féwral küni, pér éngistüröm ependi malmö sheherlik medeniyet sariyi bilen hemkarliship uyushturghan uyghurlargha dair uchur bérish muhakime yighin zalidin bir körünüsh.
7 - Féwral küni, pér éngistüröm ependi malmö sheherlik medeniyet sariyi bilen hemkarliship uyushturghan uyghurlargha dair uchur bérish muhakime yighin zalidin bir körünüsh.
RFA Photo / Yalqun

Pér éngistüröm ependi körgezmige ayiqi üzülmey kiliwatqan kishilerning Uyghurlargha da'ir sorighan so'allirigha qana'etlinerlik jawab birish we Uyghurlarni téximu keng teshwiq qilish üchün malmö sheherlik medeniyet sariyi bilen hemkarliship, 7 - féwral küni körgezme zalining özide Uyghurlargha da'ir uchur bérish muhakime yighini uyushturdi.

Körgezme we muhakime yighinining meqsidi heqqide uchur bergen pér ependim mundaq deydu":malmö shehiri shiwétsiyining ikkinchi chong shehiri bolush süpiti bilen shiwétsiyining siyasi we bilim merkezlirining biri. Men körgezme achqan tunji küni4 sa'etning özide 400 - 500 kishi körgezmini ziyaret qildi, buni shiwétsiyide élip bériliwatqan körgezmilerge nispeten éytqanda bir rékort déyishke bolidu, emma ular asasen Uyghurlar heqqide héchqandaq uchur anglap baqmighan, shunga men bügün bu muhakime yighinini uyushturush arqiliq Uyghurlarning kimliki heqqide téximu tepsiliy uchur bermekchi.

Muhakime yighinida dunya Uyghur qurultiyining bash katibi dolqun eysa ependim Uyghurlarning siyasi weziyiti we insan heqliri ehwali heqqide tepsli doklat berdi, dolqun eysa ependim neq meydanda ziyaritimizni qobul qilip tuyghulirini ipadilidi.

Muhakime yighinida yene, shiwétsiye Uyghur komitétining re'isi mahinur xanim Uyghur medeniyti we shiwétsiye Uyghur komitétining shiwétsiyide élip bériwatqan xizmetliri heqqide doklat berdi. Adil hékim özining güentanamo türmisige qamilip qélishining jeryani we tartqan külpetliri heqqide melumat berdi, shiwétsiye parlamintidin otokon arnal ependi shiwétsiye parlamintida élip bériliwatqan Uyghurlargha da'ir xizmetlerdin uchurlar berdi we muhakime yighinining dem élish ariliqida Uyghur sen'itining jewherliridin örnekler körsitildi.

Körgezmini uyushturwatqan pér ependi 2004 - yildin biri shiwétsiye Uyghur komitéti bilen hemkarliship ishlewatqan shiwétlarning biri bolup, uning bu qétimqi körgezmisini uyushturushta shiwétsiye Uyghur komitéti uni maddi we meniwi asaslar bilen köp qollighan idi.

Ziyaritimizni qobul qilghan dunya Uyghur qurultiyining bayanatchisi dilshat ependi bu xizmetlerni mu'eyyenleshtürüp qarashlirini ipadilidi.

Pér ependining bildürüshche, uning bu körgezmisi shiwétsiye axbaratliri teripidin bes ‏ - bes bilen xewer qilin'ghan bolup,"xitayning gherbidiki untulghan millet - Uyghurlar " namidiki bu körgezme shiwét xelqi arisida zor alqishqa sazawer bolghan.


Toluq bet