Shiwitsariyining jura wilayiti güntanamodiki 2 Uyghurni qobul qilish qarari aldi

Shiwitsariye bir qanche heptidin béri güentanamodiki Uyghurlardin ikki nepirini qobul qilishni oylishiwatqan idi. Uyghur milliy herikitining rehbiri rabiye qadir xanimmu aldinqi küni shiwitsariyini ziyaret qilip, ikki Uyghurning qobul qilinishi heqqide bir qatar pa'aliyetlerni élip barghan idi.
Muxbirimiz shohret hoshur
2010-01-29
Élxet
Pikir
Share
Print
Süret, gollandiye radiosi, yeni http://www.rnw.nl Da xitayning shiwitsariyige 2 uyghurni almasliq toghrisida bésim ishlitiwatqanliqi toghrisidiki maqalidin korunush.
Süret, gollandiye radiosi, yeni http://www.rnw.nl Da xitayning shiwitsariyige 2 uyghurni almasliq toghrisida bésim ishlitiwatqanliqi toghrisidiki maqalidin korunush.
http://www.rnw.nl Din élindi.

Shiwitsariyining jura wilayiti 27 ‏- yaniwar küni wilayet mejiliside mexsus yighin échip ikki neper Uyghurni qobul qilishni qarar qilghan. Wilayet mejiliside bu qarar 2 ge qarshi, 45 qobul awaz bilen testiqtin ötken.

Shiwitsariye sherqi türkistan jem'iyitining bildürüshiche, jura wilayitining bu qarari ikki Uyghurning shiwitsariyige qobul qilinish éhtimalliqini küchlendürgen.

Jura wilayiti shiwitsariyidiki 26 wilayetning biri bolup, shiwitsariyining gherbiy shimal chégrisigha jaylashqan, nopusi 69 ming, tili fransizche. Shiwitsariye sherqi türkistan jem'iyiti bir heptining aldida, jura wilayitining alaqidar mes'ulliri bilen körüshken we shiwitsariyidiki Uyghur jama'itining ikki Uyghur mesilisidiki teleplirini otturigha qoyghan.
 
Shiwitsariye oylishiwatqan ikki neper Uyghur bextiyar mehmut we erkin mehmuttin ibaret aka - uka mehbuslardur. Ular 2003 ‏- yili ayrim - ayrim halda pakistan we afghanistanda qolgha élin'ghan. Güentanamo türmiside uchrashqan. Bextiyar mehmut ötken yili palawgha qobul qilin'ghan chéghida, akisigha hemrah bolush üchün, palawgha bérishni ret qilghan.

Jem'iyet bashliqi endelining bildürüshiche, nöwette aka - uka mehbuslarning hayat hikayisi we buning bilen birlikte Uyghur mesilisi shiwitsariye jama'et pikiride muhim küntertipni igellimekte.

Shiwitsariyide nüwette 80 neper etrapida Uyghur yashaydu. Shiwitsariye sherqi türkistan jem'iyiti 2000 ‏- yili qurulghan.

Yuqiridiki awaz ulinishidin, bu heqtiki melumatimizning tepsilatini anglaysiler.
 
Toluq bet