Русийиниң совет иттпақидин қалған әң ахирқи әрәб иттипақдеши-бәшр әсәд

Сүрийә президенти бәшр әл әсәдниң қораллиқ қисимлири һазир қозғилаңчиларниң қораллиқ қисимлири билән сүрийә пайтәхти дәмәшқ шәһиридә, һөкүмәт бинасиға бир нәччә километир йирақлиқтики кочиларда уруш қиливатиду.
Мухбиримиз вәли
2012-01-30
Елхәт
Пикир
Share
Принт
23-Декабир йүз бәргән сүрийәдики өзини өлтүривелиш характеридики партилитиштин бир көрүнүш
23-Декабир йүз бәргән сүрийәдики өзини өлтүривелиш характеридики партилитиштин бир көрүнүш
AFP

Бирләшмә агентлиқиниң москвадин баян қилишичә, кремил һөкүмити америка қатарлиқ ғәрб дөләтлириниң, сүрийидә демократийини тәләп қилған хәлққә қирғинчилиқ қиливатқан әсәд һөкүмитигә җаза қоллиниш, бесм ишлитиш үчүн көрситиватқан тиришчанлиқини мәңситмиди, бәлки б д т ниң сүрийигә қорал имбаргоси йүргүзүш қарариға хилаплиқ қилип, давамлиқ түрдә бәшр әсәдни қорал билән тәминләп, униң хәлқни давамлиқ бастурүшиға йол ечип бериватиду.

1997‏-Йилдин буян дунядики мустәқиллиқ һәрикәтлириниң истратегийә вә техника мәсилилирини тәтқиқ қилип келиватқан хәлқаралиқ тәшкилат (част) ниң башлиқи руслан пукофниң ейтишичә, сүрийә президенти бәшр әсәд русийиниң совет иттипақи дәвридин қалған әң ахирқи әрәб иттипақдеши. Әсәд та һазирға қәдәр сүрийидә, атиси һапиз әсәдниң ирадисигә варислиқ қилип, изчил һалда сабиқ совет иттипақиниң тәсирини сақлап келиватиду. Бәшр әсәдниң исраилийигә қарши туруш үчүн кремил билән түзгән дугвари бар. Әсәд һазир кремилдин нәқ пул төләп миг 29, миг 35 бәлгилик урушчи айропилан вә башқа заманиви танка, башқуруридиған бомба сетивалди.

Руслан пукофниң қаришичә, русийидә өзини келәр қетимлиқ президент намзатлиқиға көрсәткән миладимир путин һазирқи вақитта, һәргизму русийиниң иттипақдешиниң җазалинип кетишигә сүкүт қилип турмайду. Униңға сайлам үчүн козир керәк. Б д т бихәтәрлик кеңишидә ливейигә қарита қораллиқ арилишиш қарари чиқирилғандиму, русийә ваз кечиш шәкли билән қаршилиқ ипадилигән, нато левийигә һавадин һуҗум қилғандиму җиддий баянат елан қилип қарши турған иди.

Ливанда чиқидиған «заман» гезитиниң баян қилишичә, әрәб бирликиниң башлиқи набил әл әрәби түнүгүн қаһирә айродромида, б д т йиғиниға бериш алдида елан қилған баянатида, әрәб бирликиниң сүрийә кризисини һәл қилиш чарисини қоллап чиқиридиған қарарини, русийә билән хитайниң б д т бихәтәрлик кеңишидә тосувалмаслиқини үмид қилидиғанлиқини билдүргән иди.

Ройтрс агентлиқиниң баян қилишичә, бүгүн русийә елан қилған баянатта, русийә һазир сүрийә қозғилаңчилириниң сүрийә президенти бәшр әсәд билән москвада сөһбәт өткүзүшигә қошулиду дәп җакарлиди. Әмма сүрийә қозғилаңчилири буни рәт қилди. Бүгүн сүрийидә икки тәрәп җиддий қаршилишиватқанда, сүрийә президенти бәшр әл әсәд қораллиқ қисимлириға, қозғилаңчилар билән коча уруши қилишқа буйруқ чүшүрди.

Сүрийә қозғилаңчилириниң азадлиқ қисимлири сүрийә қисимлири ичидин исян көтүрүп чиққан һәрбийләрдин тәшкилләнгән болуп, бу қисим һазир сүрийә мәркизи һөкүмитиниң хизмәт бинасиға 8 километир қалған җайларғичә йеқинлап келип, қозғилаң көтүрүватиду. Әсәдниң қораллиқ қисимлири һамория дегән мәһәллидә база қурған болса, сүрийә азадлиқ қисимлириму сақба мәһәллисидә база қурди. Икки тәрәп һазир дәмәшқ шәһиридә коча уруши қиливатиду.

Франсйә агетлиқиниң баян қилишичә, түнүгүн (йәкшәнбә күни) дәмәшқтә, сүрийә қисимлири билән қозғилаңчилар бир-берини топқа тутти. Урушта қозғилаңчиларниң 22 әскири өлди. Вәһаләнки, бир нәччә айдин буян сүрийидә сайлам өткүзүш, адил түзүм тикләшни тәләп қиливатқан хәлқтин өлтүрүлгән адәм сани 5миң 4 йүз дин ашти.

Б б с ниң баян қилишичә, сүрийидә һазир уруш партлап вәзийәт җиддийлишип кәтти, әрәб бирлики бәшр әсәдкә тәсир көрситәлмиди. Сүрийидә өткән бир һәптә ичидила 200 дин артуқ адәм коча урушида өлди. Әрәб берлики һазирқи бундақ җиддий вәзийәттә, сүрийигә көзәтчи әвәтиш пиланини әмәлдин қалдурди.

Пикирләр (0)
Share
Толуқ бәт