Rusiyining sowét ittpaqidin qalghan eng axirqi ereb ittipaqdéshi-beshr esed

Süriye prézidénti beshr el esedning qoralliq qisimliri hazir qozghilangchilarning qoralliq qisimliri bilen süriye paytexti demeshq shehiride, hökümet binasigha bir nechche kilométir yiraqliqtiki kochilarda urush qiliwatidu.
Muxbirimiz weli
2012-01-30
Élxet
Pikir
Share
Print
23-Dékabir yüz bergen süriyediki özini öltüriwélish xaraktéridiki partilitishtin bir körünüsh
23-Dékabir yüz bergen süriyediki özini öltüriwélish xaraktéridiki partilitishtin bir körünüsh
AFP

Birleshme agéntliqining moskwadin bayan qilishiche, krémil hökümiti amérika qatarliq gherb döletlirining, süriyide démokratiyini telep qilghan xelqqe qirghinchiliq qiliwatqan esed hökümitige jaza qollinish, bésm ishlitish üchün körsitiwatqan tirishchanliqini mengsitmidi, belki b d t ning süriyige qoral imbargosi yürgüzüsh qararigha xilapliq qilip, dawamliq türde beshr esedni qoral bilen teminlep, uning xelqni dawamliq basturüshigha yol échip bériwatidu.

1997‏-Yildin buyan dunyadiki musteqilliq heriketlirining istratégiye we téxnika mesililirini tetqiq qilip kéliwatqan xelq'araliq teshkilat (chast) ning bashliqi ruslan pukofning éytishiche, süriye prézidénti beshr esed rusiyining sowét ittipaqi dewridin qalghan eng axirqi ereb ittipaqdéshi. Esed ta hazirgha qeder süriyide, atisi hapiz esedning iradisige warisliq qilip, izchil halda sabiq sowét ittipaqining tesirini saqlap kéliwatidu. Beshr esedning isra'iliyige qarshi turush üchün krémil bilen tüzgen dugwari bar. Esed hazir krémildin neq pul tölep mig 29, mig 35 belgilik urushchi ayropilan we bashqa zamaniwi tanka, bashqururidighan bomba sétiwaldi.

Ruslan pukofning qarishiche, rusiyide özini kéler qétimliq prézidént namzatliqigha körsetken miladimir putin hazirqi waqitta, hergizmu rusiyining ittipaqdéshining jazalinip kétishige süküt qilip turmaydu. Uninggha saylam üchün kozir kérek. B d t bixeterlik kéngishide liwéyige qarita qoralliq arilishish qarari chiqirilghandimu, rusiye waz kéchish shekli bilen qarshiliq ipadiligen, nato léwiyige hawadin hujum qilghandimu jiddiy bayanat élan qilip qarshi turghan idi.

Liwanda chiqidighan "Zaman" gézitining bayan qilishiche, ereb birlikining bashliqi nabil el erebi tünügün qahire ayrodromida, b d t yighinigha bérish aldida élan qilghan bayanatida, ereb birlikining süriye krizisini hel qilish charisini qollap chiqiridighan qararini, rusiye bilen xitayning b d t bixeterlik kéngishide tosuwalmasliqini ümid qilidighanliqini bildürgen idi.

Roytrs agéntliqining bayan qilishiche, bügün rusiye élan qilghan bayanatta, rusiye hazir süriye qozghilangchilirining süriye prézidénti beshr esed bilen moskwada söhbet ötküzüshige qoshulidu dep jakarlidi. Emma süriye qozghilangchiliri buni ret qildi. Bügün süriyide ikki terep jiddiy qarshilishiwatqanda, süriye prézidénti beshr el esed qoralliq qisimlirigha, qozghilangchilar bilen kocha urushi qilishqa buyruq chüshürdi.

Süriye qozghilangchilirining azadliq qisimliri süriye qisimliri ichidin isyan kötürüp chiqqan herbiylerdin teshkillen'gen bolup, bu qisim hazir süriye merkizi hökümitining xizmet binasigha 8 kilométir qalghan jaylarghiche yéqinlap kélip, qozghilang kötürüwatidu. Esedning qoralliq qisimliri hamoriya dégen mehellide baza qurghan bolsa, süriye azadliq qisimlirimu saqba mehelliside baza qurdi. Ikki terep hazir demeshq shehiride kocha urushi qiliwatidu.

Fransye agétliqining bayan qilishiche, tünügün (yekshenbe küni) demeshqte, süriye qisimliri bilen qozghilangchilar bir-bérini topqa tutti. Urushta qozghilangchilarning 22 eskiri öldi. Wehalenki, bir nechche aydin buyan süriyide saylam ötküzüsh, adil tüzüm tikleshni telep qiliwatqan xelqtin öltürülgen adem sani 5ming 4 yüz din ashti.

B b s ning bayan qilishiche, süriyide hazir urush partlap weziyet jiddiyliship ketti, ereb birliki beshr esedke tesir körsitelmidi. Süriyide ötken bir hepte ichidila 200 din artuq adem kocha urushida öldi. Ereb bérliki hazirqi bundaq jiddiy weziyette, süriyige közetchi ewetish pilanini emeldin qaldurdi.

Toluq bet