Талибан билән хитайниң мунасивити барғансери күчәймәктә

Талибан билән хитай оттурисидики мунасивәт 1998 - йили башланған болуп гәрчә бүгүнки күндә бивастә болмисиму василитилиқ һалда бу мунасивәтниң давамлшватқанлиқи илгири сүрүлмәктә.
Мухбиримиз әркин тарим
2009-12-22
Елхәт
Пикир
Share
Принт
Хитайда ишләнгән мина афғанистан талибанлириниң қолида көпләп тепилған. Сүрәттә, америка армийиси хитайда ишләнгән мина вә қоралларни тәкшурмәктә.
Хитайда ишләнгән мина афғанистан талибанлириниң қолида көпләп тепилған. Сүрәттә, америка армийиси хитайда ишләнгән мина вә қоралларни тәкшурмәктә.
AFP Photo

Болупму талибан рәһбәри молла өмәрниң рози һейит тәбрик телегираммисида хошна дөләтләр билән өз ара һөрмәтни асас қилған һалда яхши мунасивәт өрнитишни арзу қилидиғанлиқини ейтқанлиқи талибанниң хитайлар билән болған мунасивитини техиму күчәйтиватқанлиқиниң ениқ ипадисидур дәп қаралмақта.

31 - Ноябир күни пакистанниң "ааҗ даилй" намлиқ күндилик гезитидә елан қилинған бир парчә анализда көрситилишичә, әбу йәһя әллийби исимлик әлқаидиниң юқири дәриҗилик бир рәһбириниң 6 - өктәбир күни елан қилинған "унутулған яра шәрқий түркистан" намлиқ синалғу лентисида, талибан рәһбири молла өмәрниң хитай билән яхши мунасивәт орнитиш йолидики бир қисим чақириқлириға қаттиқ наразилиқ билдүрүлгән.
Хитайда ишләнгән мина
Хитайда ишләнгән мина афғанистан талибанлириниң қолида көпләп тепилған. AFP

Линтида әбу йәһя әллийби, шәрқий түркистанниң ислам дунясиниң айрилмас бир парчиси икәнликини ейтип, уйғур мусулманлирини һемайә қилиши керәкликини, һәмдә хитайни хош қилиш үчүн тиришчанлиқ көрситишниң "капирлиқ" икәнликини оттуриға қойған.

Әслидә, талибан рәһбири молла өмәр, роза һейит тәбрик телеграммисида, хошна дөләтләр билән өз ара һөрмәтни асас қилған һалда яхши мунасивәт өрнитишни арзу қилидиғанлиқини ейтқан болуп, талибан рәһбириниң бу сөзигә наһайити еғир шәкилдә рәддийә бәргән әбу йәһя әллийби мәзкур синалғуда, пүтүн дуня мусулманлириниң хитайға қарши күрәш қиливатқан уйғурларни қоллап - қуввәтлиши керәкликини қаттиқ тәкитлигән. Шундақла кимики, хитайға яхшичақ болушниң койиға киридикән униң "капир" һесаблинидиғанлиқи оттуриға қоюлған.

Бәзи мутәхәссисләр талибанларниң 1999 - йилидин тартип хитай билән йеқин мунасивәт орнитип кәлгәликини, бу мунасивәтниң бүгүнму давамлишиватқанлиқини илгири сүрүшмәктә.

Бу һәқтә көз қаришини елиш үчүн тәтқиқатчи жорналист азатҗан буғра билән сөһбәт елип бардуқ.

Юқиридики аваз улинишидин, бу сөһбитимизниң тәпсилатини аңлайсиләр.

Пикирләр (6)
Share

Исимсиз оқурмән

Кимики, хитайға йахшичақ болушниң койиға киридикән у "капир" һесаблиниду. Талибанму мустәсиа ә мәс

Dec 24, 2009 02:55 AM

Исимсиз оқурмән

Кимики, хитайға йахшичақ болушниң койиға киридикән у "капир" һесаблиниду. Талибанму мустәсиа ә мәс

Dec 24, 2009 02:47 AM

Исимсиз оқурмән

Шәрқий түркистан хәлқигә ﯪлди билән ﯪллаһ, ундин қалса шәрқий түркистан хәлқила йардәм қилалайду, башқилардин йардәм күтүшниң өзи әхмәқлиқ, башқиларниң һесдашлиқини қолға кәлтүрүшкә урунуш
Мәңгү баш көтүрәлмәсликниң дағдам йоли.

Dec 23, 2009 07:47 PM

Исимсиз оқурмән

11 ـ Синтәбир вәқәсидиму хитайниң қоли болиши мумкин. Һазир талибанниң бирдинла күчлинип кетишидики сирниму йәнә хитайдин издәш лазим.

Dec 23, 2009 12:52 PM

Исимсиз оқурмән

11 ـ Синтәбир вәқәсидиму хитайниң қоли болиши мумкин. Һазир талибанниң бирдинла күчлинип кетишидики сирниму йәнә хитайдин издәш лазим.

Dec 23, 2009 12:51 PM

Барлиқ пикир - баянларни көрүш.

Толуқ бәт