Taliban bilen xitayning munasiwiti barghanséri kücheymekte

Taliban bilen xitay otturisidiki munasiwet 1998 - yili bashlan'ghan bolup gerche bügünki künde biwaste bolmisimu wasilitiliq halda bu munasiwetning dawamlshwatqanliqi ilgiri sürülmekte.
Muxbirimiz erkin tarim
2009-12-22
Élxet
Pikir
Share
Print
Xitayda ishlengen mina afghanistan talibanlirining qolida köplep tépilghan. Sürette, amérika armiyisi xitayda ishlengen mina we qorallarni tekshurmekte.
Xitayda ishlengen mina afghanistan talibanlirining qolida köplep tépilghan. Sürette, amérika armiyisi xitayda ishlengen mina we qorallarni tekshurmekte.
AFP Photo

Bolupmu taliban rehberi molla ömerning rozi héyit tebrik télégirammisida xoshna döletler bilen öz ara hörmetni asas qilghan halda yaxshi munasiwet örnitishni arzu qilidighanliqini éytqanliqi talibanning xitaylar bilen bolghan munasiwitini téximu kücheytiwatqanliqining éniq ipadisidur dep qaralmaqta.

31 - Noyabir küni pakistanning "a'aj da'ily" namliq kündilik gézitide élan qilin'ghan bir parche analizda körsitilishiche, ebu yehya elliybi isimlik elqa'idining yuqiri derijilik bir rehbirining 6 - öktebir küni élan qilin'ghan "unutulghan yara sherqiy türkistan" namliq sin'alghu léntisida, taliban rehbiri molla ömerning xitay bilen yaxshi munasiwet ornitish yolidiki bir qisim chaqiriqlirigha qattiq naraziliq bildürülgen.
Xitayda ishlengen mina
Xitayda ishlengen mina afghanistan talibanlirining qolida köplep tépilghan. AFP

Lintida ebu yehya elliybi, sherqiy türkistanning islam dunyasining ayrilmas bir parchisi ikenlikini éytip, Uyghur musulmanlirini hémaye qilishi kéreklikini, hemde xitayni xosh qilish üchün tirishchanliq körsitishning "kapirliq" ikenlikini otturigha qoyghan.

Eslide, taliban rehbiri molla ömer, roza héyit tebrik télégrammisida, xoshna döletler bilen öz ara hörmetni asas qilghan halda yaxshi munasiwet örnitishni arzu qilidighanliqini éytqan bolup, taliban rehbirining bu sözige nahayiti éghir shekilde reddiye bergen ebu yehya elliybi mezkur sinalghuda, pütün dunya musulmanlirining xitaygha qarshi küresh qiliwatqan Uyghurlarni qollap - quwwetlishi kéreklikini qattiq tekitligen. Shundaqla kimiki, xitaygha yaxshichaq bolushning koyigha kiridiken uning "kapir" hésablinidighanliqi otturigha qoyulghan.

Bezi mutexessisler talibanlarning 1999 - yilidin tartip xitay bilen yéqin munasiwet ornitip kelgelikini, bu munasiwetning bügünmu dawamlishiwatqanliqini ilgiri sürüshmekte.

Bu heqte köz qarishini élish üchün tetqiqatchi zhornalist azatjan bughra bilen söhbet élip barduq.

Yuqiridiki awaz ulinishidin, bu söhbitimizning tepsilatini anglaysiler.

Pikirler (6)
Share

Isimsiz oqurmen

Kimiki, xitaygha yaxshichaq bolushning koyigha kiridiken u "kapir" hésablinidu. Talibanmu mustesia e mes

Dec 24, 2009 02:55 AM

Isimsiz oqurmen

Kimiki, xitaygha yaxshichaq bolushning koyigha kiridiken u "kapir" hésablinidu. Talibanmu mustesia e mes

Dec 24, 2009 02:47 AM

Isimsiz oqurmen

Sherqiy türkistan xelqige ﯪldi bilen ﯪllah, undin qalsa sherqiy türkistan xelqila yardem qilalaydu, bashqilardin yardem kütüshning özi exmeqliq, bashqilarning hésdashliqini qolgha keltürüshke urunush
Menggü bash kötürelmeslikning daghdam yoli.

Dec 23, 2009 07:47 PM

Isimsiz oqurmen

11 ـ Sintebir weqesidimu xitayning qoli bolishi mumkin. Hazir talibanning birdinla küchlinip kétishidiki sirnimu yene xitaydin izdesh lazim.

Dec 23, 2009 12:52 PM

Isimsiz oqurmen

11 ـ Sintebir weqesidimu xitayning qoli bolishi mumkin. Hazir talibanning birdinla küchlinip kétishidiki sirnimu yene xitaydin izdesh lazim.

Dec 23, 2009 12:51 PM

Barliq pikir - bayanlarni körüsh.

Toluq bet