Өткән сайламда берилгән вәдиләр әмәлийләштиму ?

2007-07-05
Елхәт
Пикир
Share
Принт

2002 - Йили 11- айда елип берилған сайлам мәзгилидә түркийидики шәрқий түркистан аммиви тәшкилатлириға нурғун партийиләрниң мәсуллири вә парламент әзалири намзатлири келип уйғурларниң өзлиригә аваз беришини, әгәр парламент әзаси болуп сайланған тәқдирдә өзлириниң шәрқий түркситан мәсилисини түркийә парламентиниң күн тәртипигә елип келидиғанлиқи, түркийидики уйғур муһаҗирларниң мәсилилирини һәл қилишқа ярдәм қилидиғанлиқиға охшаш вәдиләрни бәргән иди.

Түркийидики бәзи шәрқий түркистан аммиви тәшкилатлири бу партийиләрниң мәсуллири билән көрүшүп уйғур мәсилисини аңлатқан вә сайламда уларға аваз бәргән иди. Рәсми болмиған ситатистикиларға қариғанда, 2002-йилидики сайламда уйғурларниң көпи 5 йилдин буян һакимийәт бешида болған адаләт вә тәрәққият партийисигә аваз бәргән икән.

Ундақта бу партийидин сайланған партийә әзалири сайламдин бурун уйғурларға бәргән вәдилиридә турдиму, уйғурларниң қайси мәсилилири һәл болди? мана мушуниңға охшаш бир йүрүш мәсилиләр һәққидә мәлумат елиш үчүн дуня уйғур қурултийи муавин рәиси, шәрқий түркистан мәдәнийәт вә һәмкарлиқ җәмийити башлиқи сейит түмтүрк әпәнди билән сөһбәт елип бардуқ.

Сейит түмтүрк әпәнди сөзидә , өткән 5 йил җәрянида уйғур мәсилисиниң өзлири арзу қилған сәвийигә кәлмигән болсиму, нурғун илгириләшләрниң болғанлиқини, бундин кейин уйғур мәсилисини түркийиниң күн тәртипигә елип келиш үчүн техиму көп күч чиқиридиғанлиқини ейтти. (Әркин)

Пикирләр (0)
Share
Толуқ бәт