Uyghurlar türkiyidiki saylamdin némilerni kütidu?

2007-06-26
Élxet
Pikir
Share
Print

Türkiyide 4 yilda bir élip bérilidighan saylam yétip kélish aldida turmaqta. 7-Ayning 22-küni élip bérilidighan omumiy saylamgha 13 partiye qatnishidighan bolup, herqaysi partiyilerdin namzat bolghan parlamént ezasi namzatliri xelqqe nurghunlighan wedilerni bérishmekte.

Mesilen, bezi partiyiler uniwérsitétqa kirish imtihanini emeldin qaldurushni wede qilsa, yene bezi partiyiler bénzin bahasini chüshürimiz dégendek wedilerni bérishmekte. Emma xelq bolsa partiyilerning hakimiyet béshigha kélip bolghandin kéyinmu wediliride turushini ümid qilmaqta.

Hemmimizge melum bolghandek, türkiyide puqra bolup yashawatqan Uyghurlarning sanimu az emes. Herqaysi partiyiler sel qarashqa bolmaydighan derijide köplükni igileydighan Uyghur nopusining rayigha alahide qiziqmaqta. Beziliri bu heqte özliri saylan'ghan teqdirde Uyghur mesilisini parlamént kün tertipige ekilidighanliqini wede qilmaqta.

Undaqta türkiyide yashawatqan Uyghurlar bu saylamdin némilerni kütüwatidu, ularning arzusi néme? biz buni bilip béqish üchün Uyghurlargha téléfon qilip ehwal igiliduq. Biz ziyaret qilghan Uyghurlarning köpi qisqiche ismi aq partiye bolghan, hazir hakimiyet béshidiki adalet we tereqqiyat partiyisige oy béridighanliqini ipadileshti.

Bezi Uyghurlar gerche özliri yurtidin uzaqta bolsimu, bir partiyige oy bérishte u partiyining Uyghur mesilisige tutqan pozitsiyisigimu qaraydighanliqini bildürdi. (Erkin)

Pikirler (0)
Share
Toluq bet