Norwigiyidiki Uyghur putbolchi tonulmaqta

2008-02-28
Élxet
Pikir
Share
Print

Yéqinqi yillardin béri norwégiye hökümitining Uyghur ili we Uyghur mesilisige bolghan qiziqishi we uni tonushi yuqiri kötürülüshke bashlidi. Bolupmu dunya Uyghur qurultiyining re'isi, Uyghur milliy herikitining yétekchisi rabiye qadir xanimning rafto kishilik hoquq mukapatigha érishishi we yéqinqi uch yildin buyan uda 3 qétim nobél tinchliq mukapatining eng küchlük namzatliri qatarigha kirishi Uyghur we Uyghur mesilisini norwégiye hökümiti we xelqighe tonutushta eng achquchluq rol oynap bu döletke kélidighan Uyghurlarning sanining téz köpiyishide türtkilik rol oynidi.

Uyghurlarning sanining köpiyishi bilen ilgiri her sahe we her kesipni oqughan we ishligenler til qiyinchiliqini tézdin yéngip her qaysi sahelerde öz maharitini we iqtidarini körsitishke bashlidi.

Mushu qatarda, yéqinda norwigiyige kélip turush ruxsitini saqlawatqan ismini ashkarilashni xalimighan bir Uyghur yigiti xitayning 2008-yilliq olimpik musabiqisi bashlinish aldida, hemmining közi xitaygha tikilip turghan bir peytte, özining putbol oynashtiki talanti bilen özi turuwatqan rayondiki putbol komandisining asasliq ezasining birige aylinip, öz maharitini körsitip, mezkur komanda we komanda ezalirigha olimpiktek xelq'araliq musabiqige qatnishish salahiyitige érishelmeydighan lékin beden we bashqa sapaliri xitay topchiliridin éship chüshidighan Uyghur isimlik bir milletning mewjutliqini tonutti. (Aygül yüsüp)

Pikirler (0)
Share
Toluq bet