Uyghur pa'aliyetchilirining téléfon, élxetliri we Uyghur tor betliri hujumgha uchridi

Radi'omiz igiligen uchurlardin melum bolushiche, "26 - iyun shawgüen weqesi" we "5 - iyul ürümchi weqesi"ning bir yilliqi mezgilide, xitay hökümiti Uyghur élide qattiq bixeterlik tedbirliri alghan. Oxshash bir mezgilde yene chet'ellerdiki Uyghur pa'aliyetchilirining téléfon, élxet alaqisi hem chet'ellerdiki Uyghur tor betlirimu xakkérlarning hujumgha uchrighan.
Muxbirimiz mihriban
2010-06-30
Élxet
Pikir
Share
Print
YouTube Din élinghan bu süretler kirishtürmiside, 5 - iyul ürümchi qanliq weqesidin kéyin chetel metbuatlirining xewerliride bérilgen körünüshler, yeni 7 - iyul künidiki uyghur ayallirining namayishi jeryanida ayallar we balililarning uchrighan muamilisi, 13 - iyul küni yüz bergen xitay saqchilirining 2 uyghurni étip öltürgelik weqesi, shundaqla 6 - iyuldin kéyin, ürümchidiki xitay puqralirining qandaq qorallanghanliqi we  urümchi kochilirida uyghurlarni "owlap" yürüp, uyghurlarni urup öltürüshliri körsitilgen.
YouTube Din élinghan bu süretler kirishtürmiside, 5 - iyul ürümchi qanliq weqesidin kéyin chetel metbuatlirining xewerliride bérilgen körünüshler, yeni 7 - iyul künidiki uyghur ayallirining namayishi jeryanida ayallar we balililarning uchrighan muamilisi, 13 - iyul küni yüz bergen xitay saqchilirining 2 uyghurni étip öltürgelik weqesi, shundaqla 6 - iyuldin kéyin, ürümchidiki xitay puqralirining qandaq qorallanghanliqi we urümchi kochilirida uyghurlarni "owlap" yürüp, uyghurlarni urup öltürüshliri körsitilgen.
YouTube Din élindi.

Ötken hepte Uyghur aptonom rayon da'iriliri uqturush chiqirip, metbu'atlarda hem idare, jem'iyet, mekteplerde "26 - iyun shawgüen weqesi" hem "5 - iyul ürümchi weqesi" ge da'ir uchurlarni xewer qilmasliq, bu heqte toxtalmasliqni telep qilghan idi. Igilishimizche, 28 - iyun düshenbidin bashlap yene ürümchi, qeshqer, ghulja qatarliq sheherlerde kochilarda saqchilar köpeytilip, charlash kücheytilgen. Ürümchidiki fang xanimning 29 - iyun radi'omizgha bildürüshiche, hökümet da'iriliri bu bir nechche künde puqralarning sirtqa az chiqishi telep qilin'ghan, bezi jaylarda 4 - 5 - iyul künliri dem élishqa qoyup bérilidighanliqi uqturush qilin'ghan.

Radi'omiz igiligen uchurlardin melum bolushiche, bu bir nechche kündin buyan, chet'ellerde pa'aliyet élip bériwatqan Uyghur aktiplirining téléfonliri hem élxetlerge bolghan hujum kücheytilgen. Shuning bilen bir waqitta chet'ellerdiki Uyghur teshkilatlirining tor betliri hem puqralar teripidin qurulghan Uyghur tor betlirimu namelum xakkérlarning hujumigha uchrighan.

Chet'ellerdiki Uyghur aktipliridin, hazir amérikida yashawatqan, dunya Uyghur qurultiyining ichki ishlar mudiri ilshat hesen ependi bügün ziyaritimizni qobul qilip, ötken heptidin buyan özining téléfoni hem élxet sanduqigha qaritilghan hujum kücheygenlikini, buning xizmet hem kündilik turmushigha qulaysizliqlarni élip kelgenlikini bildürdi.

Ilshat ependi sözide yene, nöwette chet'ellerde pa'aliyet élip bériwatqan Uyghur aktiplirila emes, belki chet'ellerde qurulghan Uyghur tor betliriningmu xakkérlar teripidin hujumgha uchrawatqanliqini ilgiri sürüp, özining bu heqtiki qarishini otturigha qoydi.
 
Erk téléwiziyisi bultur 9 - ayda gollandiyide qurulghan Uyghur tilidiki tor téléwiziyisi bolup, bir nechche kündin buyan bu tor békiti xakkérlarning hujumigha uchrap taqilip qalghan idi. Bügün tor békitining sahibi abduraxman öztürk ependi ziyaritimizni qobul qilip, tor békitining 26 - iyundin buyan xakkérlarning hujumigha uchrap taqilip qalghanliqini, özlirining hazir tor békitini eslige keltürüsh üchün jiddiy ishlewatqanliqini bildürdi.

Chet'ellerdiki Uyghur tor betliridin yene, wetinim tor békitining adminliridin biri bolghan osmanjan ependimu bügün ziyaritimizni qobul qilip, tor békitining taqilip qélish sewebi heqqide toxtaldi.

Ilshat ependi nöwette chet'ellerde Uyghur tor betlirining xakkérlar teripidin üzlüksiz hujumgha uchrishidiki sewebler heqqide toxtilip, buning xitay hökümitining Uyghur aptonom rayon da'iriside, bultur rayonda yüz bergen "5 - iyul ürümchi weqesi" dek keng kölemlik naraziliq heriketlirining qayta yüz bérishidin ensirigenliki sewebidin xakkérlar arqiliq, chet'ellerdiki Uyghurlargha qozghighan bir qétimliq hujumi ikenlikini ilgiri sürdi.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Toluq bet