Хитай бихәтәрлик хадими ғәйрәтниң сирлиқ өлүми (1)

Уйғур аптоном районидики хитай дөләт бихәтәрлик назарити җасуслуқ хадими ғәйрәт нурмәмәт, бу йил 1 - айда өйидә туюқсиз өлүп қалған. Әһвалдин хәвәрдар кишиләрниң билдүрүшичә, ғәйрәтниң өлүми сирлиқ вәқә болуп, у, өлүштин бир қанчә күн илгири, өзиниң түрмиләрдә 5 - июлда тутқун қилинғанларниң ечинарлиқ әһваллирини көргәнлики һәм сүрәткә алғанлиқини ейтқан икән.
Мухбиримиз гүлчеһрә
2010-09-14
Елхәт
Пикир
Share
Принт
YouTube Дин елинған бу сүрәтләр кириштүрмисидә, 5 - ийул үрүмчи қанлиқ вәқәсидин кейин чәтәл мәтбуатлириниң хәвәрлиридә берилгән көрүнүшләр, йәни 7 - ийул күнидики уйғур айаллириниң намайиши җәрйанида айаллар вә балилиларниң учриған муамилиси, 13 - ийул күни йүз бәргән хитай сақчилириниң 2 уйғурни етип өлтүргәлик вәқәси, шундақла 6 - ийулдин кейин, үрүмчидики хитай пуқралириниң қандақ қоралланғанлиқи вә  урүмчи кочилирида уйғурларни "овлап" йүрүп, уйғурларни уруп өлтүрүшлири көрситилгән.
YouTube Дин елинған бу сүрәтләр кириштүрмисидә, 5 - ийул үрүмчи қанлиқ вәқәсидин кейин чәтәл мәтбуатлириниң хәвәрлиридә берилгән көрүнүшләр, йәни 7 - ийул күнидики уйғур айаллириниң намайиши җәрйанида айаллар вә балилиларниң учриған муамилиси, 13 - ийул күни йүз бәргән хитай сақчилириниң 2 уйғурни етип өлтүргәлик вәқәси, шундақла 6 - ийулдин кейин, үрүмчидики хитай пуқралириниң қандақ қоралланғанлиқи вә урүмчи кочилирида уйғурларни "овлап" йүрүп, уйғурларни уруп өлтүрүшлири көрситилгән.
YouTube Дин елинди.

Гәрчә бу өлүм үрүмчидә хели ғулғула қозғиған болсиму, хитай һөкүмити буни йепиқ бир тәрәп қилған. Ғәйрәтниң сирлиқ өлүми давамлиқ ғулғула қозғимақта.

Ғәйрәт нурмәмәт, 36 яш, үрүмчидә туғулған. Үрүмчидики уйғур аптоном районлуқ қораллиқ сақчи мәктәпни тамамлиғандин кейин, уйғур аптоном районлуқ дөләт бихәтәрлик назаритидә, сиясий җинайәтчиләрни тутушқа мәсул башқарминиң разведка хадими болуп ишләп кәлгән.

Мәлум болушичә, ғәйрәт нурмәмәт 2010 - йили 1 - айда туюқсиз өйидә өлүп қалғанға қәдәр, 10 нәччә йилдин буян хитай һөкүмитигә садиқлиқ билән ишләп кәлгән. Ғәйрәтниң уруқ туғқанлири вә униң бир қисим йеқинлири ғәйрәтниң йүзи көкирип кәткән җәситигә қарап түрлүк гуманларда болған болсиму, хитай даирилири бекиткән қанун дохтури униң туюқсиз өлүп қелиши нәпәс йоли кесәлликидин дәп диагноз қоюп, аилисидикилириниң униң өлүм сәвәбини артуқчә сүрүштә қилмаслиққа агаһландурған.

Ғәйрәтниң йеқинлиридин сүрүштә қилишимизчә, униң дадиси нурмәмәтму, ғәйрәт хизмәт қилған хитай бихәтәрлик оргинидин пенсийигә чиққан хадим икән.

Хитай һөкүмитиниң уйғур елидики қаттиқ бастуруш, үч хил күчләргә қаттиқ зәрбә бериш һәрикәтлиридә садиқлиқ билән актип хизмәт қилип кәлгән ғәйрәтниң сирлиқ өлүми бир мәһәл ғулғула қозғап бесиққан болсиму, ғәйрәт нурмәмәтниң йеқин ағинилиридин бири йеқинда чәтәлгә қечип чиққандин кейин, өзиниң чәтәлгә қечишиниңму дәл ғәйрәтниң сирлиқ өлүми билән мунасивәтлик икәнликини билдүрүп, истансимизға ғәйрәтниң өлүминиң сирлиқ тәрәплирини ашкарилиди вә "ғәйрәт хитай һөкүмити тәрипидин өлтүрүлди" дәп, ишинидиғанлиқини билдүрди.

Уйғурлар арисидики сиясий җинайәтчиләрни разведка қилишни кәсип қилип, актип хизмәт көрситип кәлгән ғәйрәт исимлик бу җасусниң пәхирлиниватқан кәспидин гуманлинишиға, виҗданиниң ойғинишиға немә сәвәб болди?

Биз ғәйрәтниң өлүмигә мунасивәтлик толуқ учурларни елиш үчүн ғәйрәтниң үрүмчидики аилисидикиләр билән алақилишип көргән болсақму, улар бирдәк зияритимизни рәт қилип кәлди. Һалбуки, ғәйрәтниң өлүминиң һәқиқәтән гуманлиқ икәнлики игилигән мунасип учурлардин ашкариланмақта.

Бу һәқтә йәниму тәпсилий учурларни кейинки программимизда тонуштуримиз.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)
Share
Толуқ бәт