Sübhi fondi teshkilati Uyghur yétim we oqushsiz balilargha dawamliq yardem qilidighanliqini bildürdi

En'gliyidiki Dawn fondi teshkilati yeni "sübhi xeyr-saxawet " fondi teshkilati yéqinda en'gliyining london shehiride "xitay, xitaydiki untulghan musulmanlarni ésige élishi kérek" dégen témida mexsus yétim we oqushsiz qalghan Uyghur balilirigha yardem bérish i'ane toplash pa'aliyiti ötküzdi.
Muxbirimiz eqide
2011-01-10
Élxet
Pikir
Share
Print
Shepeq fondi jem'iyiti Uyghur rayonida méhir - muhebbet yetküzmekte
Shepeq fondi jem'iyiti Uyghur rayonida méhir - muhebbet yetküzmekte
www.dawn-foundation.co.uk

"Sübhi xeyr-saxawet " fondining mezkur pa'aliyitige, london Uyghur ansambili yéqindin hemkarlashqan bolup, london Uyghur ansambilining qurghuchisi eziz ependi radi'omiz muxbirigha "sübhi xeyri-saxawet " teshkilatining 2007-yilidin buyan ürümchi shehiride namrat, yétim-yésir balilarni oqutush, ige chaqisiz qéri-chörilerning halidin xewer élishqa oxshash xeyir-saxawetlik ishlar bilen shughullinip kéliwatqanliqidin melumat bergen idi.

Biz yene, mezkur fondi teshkilatining 2007-yili ürümchide 200 oqughuchini oqush pursitige ige qilghanliqini, ularning 156 nepirining Uyghur oqughuchilar ikenlikini, 6 yashtin 16 yashqiche bolghan bu balilarning 58 ning ata-anisi yoq yétim balilar ikenlikidin xewer tapqan iduq.

Bügün biz, "sübhi xeyr-saxawet" fondining re'isi Naemma Raza ependini ziyaret qilduq. U özining buningdin 10 yil burun xitayning gu'angju shehiride Uyghurlar bilen tonushqanliqini we ürümchige bérip, namrat Uyghurlar olturaqlashqan rayonda ziyarette bolup, Uyghurlarning qiyinchiliq ichidiki échinishliq turmushini körüp, qurbining yétishiche yardem qilish iradisini turghuzghanliqini bildürüp, "men yétim balilarni, bolupmu oqushsiz balilarni körsem chidap turalmaymen, ürümchidiki yétim balilar shundaq eqilliq iken, eger ular yaxshi terbiyilinip, mol-bilimlerge ige bolsa, ishinimenki, kelgüside millitige yaramliq töhpikarlardin bolup yétiship chiqidu" dédi.

Naemma Raza Ependi sözide yene, ürümchide yétim we oqushsiz balilardin sirt, yashan'ghan ige-chaqisiz kishilerningmu intayin köp ikenlikini, bularning hemmisining yardemge éhtiyajliq ikenlikini bildürdi.

"Sübhi xeyri-saxawet teshkilati" ning esli meqsitimu, yardemsiz qalghan kishilerge yardem bérishtin ibaret. Nöwette Uyghurlarning ehwali, bolupmu iqtisadiy jehette qiyinchiliq astida yashawatqanliqi, bolupmu sawatsizliq mesililiri bizni chongqur oygha saldi, elwette biz Uyghurlar mesilisini xelq'arada ular toghrisida bériliwatqan xewerler arqiliq chüshinip yettuq we en'gliyidiki Uyghurlar arqiliq, bolupmu london Uyghur ansambilidin Uyghurlarni téximu éniq tonuduq. Buningdin kéyin téximu köp we janliq pa'aliyetler uyushturup Uyghurlar üchün xizmet ishlisek dégen ümidimiz bar."

Na'émma ependidin biz yene "sübhi xeyri-saxawet " teshkilatining pa'aliyetlirige xitay hökümiti qandaq pozitsiye bildürdi dégen so'alni soriduq. U: "biz qanunluq yosunda munasiwetlik ma'arip tarmaqliri bilen sözliship, yétim-yésirlarni oqush pursitige ige qilish resmiyetlirini béjirduq. Men toghra yolda qiliwatqan xizmitimizning choqum axirghiche tosalghusiz dawamlishidighanliqigha ishinimen" dédi.

"Sübhi xeyri-saxawet " teshkilatining" xitay, xitaydiki untulghan musulmanlarni ésige élishi kérek " témisida élip bérilghan Uyghurlargha yardem bérish i'ane toplash pa'aliyitige qatnashqan london Uyghur ansambilining ezasi nizamidin ependi, na'émma ependi bashchiliqida élip bérilghan mezkur pa'aliyettin chongqur tesirlen'genlikini bildürdi.

London ansambilining qurghuchisi eziz ependi, "sübhi xeyri saxawet" teshkilati en'gliyide Uyghurlar üchün intayin muhim we ehmiyetlik bolghan bu xizmetni 2007-yili bashlap, hazirgha qeder dawamlashturuwatqanliqini we bu xizmetni buningdin kéyin téximu kücheytidighanliqi heqqide ipade bildürgenlikini éytip, "Naemma ependi bashchiliqida élip bériliwatqan Uyghurlar üchün yardem xizmiti, en'gliyidiki bashqa insanperwerler üchünmu ülgilik we türtkilik rol oynaydu" dédi.

Pikirler (0)
Share
Toluq bet