Тәйвән президенти «тәрбийәләш мәркизи» мәсилисидә хитайниң мәғлубийәткә учрайдиғанлиқини оттуриға қойди

Ихтиярий мухбиримиз әркин тарим
2019-03-11
Елхәт
Пикир
Share
Принт
«Хәлқара диний әркинлик муһакимә йиғини» ға қатнашқан уйғур паалийәтчиләрдин рушән аббас ханим вә адвокат нури түркәл әпәнди трумп һөкүмитиниң алий диний әркинлик әлчиси сам бровинбак әпәнди(оттурида) билән. 2019-Йили март, тәйвән.
«Хәлқара диний әркинлик муһакимә йиғини» ға қатнашқан уйғур паалийәтчиләрдин рушән аббас ханим вә адвокат нури түркәл әпәнди трумп һөкүмитиниң алий диний әркинлик әлчиси сам бровинбак әпәнди(оттурида) билән. 2019-Йили март, тәйвән.
RFA/Erkin Tarim

Тәйвәнниң пайтәхти тәйбейда өткүзүлгән «хәлқара диний әркинлик муһакимә йиғини» ниң ечилиш мурасимида сөз қилған тәйвән президенти сәй йиңвен «җаза лагерлири» мәсилисини тилға алған.

3-Айниң 12 күнигичә давамлишидиған «хәлқара диний әркинлик йиғини» ни тәйвән ташқи ишлар министирлиқи, америкиниң тәйвәндә турушлуқ оргини вә тәйвән демократийәни илгири сүрүш фонди биргә уюштурған болуп, йиғинға диний бесимға учраватқан уйғур, тибәт вә фалүнгоңчилардин сирт, асия қитәсидә диний җәһәттин зиянкәшликкә учраватқан башқа милләтләрниң вәкиллириму қатнашқан. Уйғурларға вакалитән уйғур паалийәтчи өркәш дөләт, уйғур адвокат нури түркәл әпәнди, уйғур паалийәтчи рушән аббас ханим, дуня уйғур қурултийиниң японийәдики вәкили илһам мәхмут әпәнди, уйғур паалийәтчи әнвәр тохти әпәндиләр иштирак қилған.

Тәйвәндә чақирилған «хәлқара диний әркинлик йиғини» ниң ечилиш мурасимида тәйвән президенти сәй йиңвенму нутуқ сөзлигән болуп, сөзлигән сөзидә җаза лагерлири мәсилисиниму тилға елип, хитайниң аталмиш тәрбийәләш мәркизини ечиш арқилиқ өзиниң сиясий мәқситигә йетиш уяқта турсун мәғлубийәт тәрипигә қарап қәдәм басидиғанлиқини тәкитләп өткән. Йиғинға қатнишиватқан уйғур адвокат нури түркәл әпәнди бу һәқтики зияритимизни қобул қилди.

Арқидин бу йиғинни чақириш пикрини оттуриға қойған американиң сабиқ кеңәш палата әзаси, һазирқи трумп һөкүмитиниң алий диний әркинлик әлчиси сам бровинбак әпәнди сөзләп уйғур дияриниң һазирқи вәзийити тоғрисида тәпсилий мәлумат бәргән. Адвокат нури түркәл әпәнди бу һәқтә тохталди.

Бүгүнки йиғинда рушән аббас ханимму сөзлигән. У, бу һәқтики телефон зияритимизни қобул қилип, бу һәқтә тохталди.

Нури түркәл әпәнди бу йиғинниң уйғур дәваси үчүн зор әһмийәткә игә икәнликини, чүнки бу йиғинға қатнашқан сиясәтчи, дипломат вә мутәхәссисләрниң муһим кишиләрдин тәркиб тапқанлиқини, йиғинға уйғур мәсилисиниң зор салмақни игиләйдиғанлиқини оттуриға қойди.

«Хәлқара диний әркинлик йиғини» 3-айниң 12-күни ахирлишидиған болуп, 12-чесла уйғурларниң һазирқи еғир вәзийити мәхсус оттуриға қоюлидикән.

Пикирләр (0)
Share
Толуқ бәт