Teywen prézidénti "Terbiyelesh merkizi" mesiliside xitayning meghlubiyetke uchraydighanliqini otturigha qoydi

Ixtiyariy muxbirimiz erkin tarim
2019-03-11
Élxet
Pikir
Share
Print
"Xelq'ara diniy erkinlik muhakime yighini" gha qatnashqan Uyghur pa'aliyetchilerdin rushen abbas xanim we adwokat nuri türkel ependi trump hökümitining aliy diniy erkinlik elchisi sam browinbak ependi(otturida) bilen. 2019-Yili mart, teywen.
"Xelq'ara diniy erkinlik muhakime yighini" gha qatnashqan Uyghur pa'aliyetchilerdin rushen abbas xanim we adwokat nuri türkel ependi trump hökümitining aliy diniy erkinlik elchisi sam browinbak ependi(otturida) bilen. 2019-Yili mart, teywen.
RFA/Erkin Tarim

Teywenning paytexti teybéyda ötküzülgen "Xelq'ara diniy erkinlik muhakime yighini" ning échilish murasimida söz qilghan teywen prézidénti sey yingwén "Jaza lagérliri" mesilisini tilgha alghan.

3-Ayning 12 künigiche dawamlishidighan "Xelq'ara diniy erkinlik yighini" ni teywen tashqi ishlar ministirliqi, amérikining teywende turushluq orgini we teywen démokratiyeni ilgiri sürüsh fondi birge uyushturghan bolup, yighin'gha diniy bésimgha uchrawatqan Uyghur, tibet we falün'gongchilardin sirt, asiya qit'eside diniy jehettin ziyankeshlikke uchrawatqan bashqa milletlerning wekillirimu qatnashqan. Uyghurlargha wakaliten Uyghur pa'aliyetchi örkesh dölet, Uyghur adwokat nuri türkel ependi, Uyghur pa'aliyetchi rushen abbas xanim, dunya Uyghur qurultiyining yaponiyediki wekili ilham mexmut ependi, Uyghur pa'aliyetchi enwer toxti ependiler ishtirak qilghan.

Teywende chaqirilghan "Xelq'ara diniy erkinlik yighini" ning échilish murasimida teywen prézidénti sey yingwénmu nutuq sözligen bolup, sözligen sözide jaza lagérliri mesilisinimu tilgha élip, xitayning atalmish terbiyelesh merkizini échish arqiliq özining siyasiy meqsitige yétish uyaqta tursun meghlubiyet teripige qarap qedem basidighanliqini tekitlep ötken. Yighin'gha qatnishiwatqan Uyghur adwokat nuri türkel ependi bu heqtiki ziyaritimizni qobul qildi.

Arqidin bu yighinni chaqirish pikrini otturigha qoyghan amérikaning sabiq kéngesh palata ezasi, hazirqi trump hökümitining aliy diniy erkinlik elchisi sam browinbak ependi sözlep Uyghur diyarining hazirqi weziyiti toghrisida tepsiliy melumat bergen. Adwokat nuri türkel ependi bu heqte toxtaldi.

Bügünki yighinda rushen abbas xanimmu sözligen. U, bu heqtiki téléfon ziyaritimizni qobul qilip, bu heqte toxtaldi.

Nuri türkel ependi bu yighinning Uyghur dewasi üchün zor ehmiyetke ige ikenlikini, chünki bu yighin'gha qatnashqan siyasetchi, diplomat we mutexessislerning muhim kishilerdin terkib tapqanliqini, yighin'gha Uyghur mesilisining zor salmaqni igileydighanliqini otturigha qoydi.

"Xelq'ara diniy erkinlik yighini" 3-ayning 12-küni axirlishidighan bolup, 12-chésla Uyghurlarning hazirqi éghir weziyiti mexsus otturigha qoyulidiken.

Toluq bet