Dalay lama musteqilliq idiyisidin waz kechmigen teqdirde xitaygha barmasliqi mumkin

2007-03-08
Élxet
Pikir
Share
Print

Birleshme agéntliqining béyjingdin bergen xewrige qarighanda, dalay lama musteqilliq idiyisidin waz kechmigen ehwal astida béyjinggha barmaydiken.

Tibet aptonom rayoni hökümitining re'isi champa putsok biyjingda muxbirlargha "gerche, dalay lama özining tibet musteqilliqini qolgha keltürüsh pa'aliyetlirini toxtatqan bolsimu, méningche u tibetni musteqil qilish idiyisidin pütünley waz kéchelmeydu. Shundaq iken uning xitaygha bérish arzusi bek töwen" dédi

Xitay, gerche dalay lama tibette aliy muxtariyet ornitip tibetning budda dini medeniyitini qoghdashni ilgiri sürgen bolsimu, lékin, u tibetni musteqil qilish pa'aliyetlirini mexpiy ilip barmaqta, dep eyiblep kelmekte.

Champa putsok tibet aptonom rayonidiki yuqiri derijilik emeldar bolsimu, lékin aliy hoquq yenila xitay kompartiye sékritarining qolida iken.

Dalay lama 1959 ‏- yili tibette qozghalghan xitaygha qarshi xelq topilingi meghlup bolghandin kiyin hindistan'gha qéchip chiqqan. "48 Yil ötüp ketti, dalay lama öz xelqi we wetinige héchqandaq bir paydiliq ish qilghini yoq " deydu, hazir béyjingda yighinda boluwatqan champa putsok.

Uning bildürüshiche, xitay hökümiti hazirghiche dalay lama wekilliri arqiliq dalay bilen öz alaqisini saqlap kelgen bolup, bu munasiwetni kelgüside yene izchil dawamlashturidiken. (Jüme)

Pikirler (0)
Share
Toluq bet