Tibetning diniy dahiysi dalay lama aq sarayda prézidént bushning qobul qilishigha érishti

2007-10-16
Élxet
Pikir
Share
Print

Amérika prézidénti jorj bush 16 ‏- öktebir küni tibetning diniy dahiysi dalay lamani aq sarayda qobul qildi.

Bu arida xitay tashqi ishlar ministirliqi, amérika prézidénti jorj bush dalay lama bilen körüshüshtin burun alahide agahlandurush élan qilip, bushning dalay lama bilen körüshishining junggo- amérika munasiwitige éghir derijide ziyan yetküzidighanliqini tekitlidi.

Xitay tashqi ishlar ministirliqining bayanatchisi lyu jenchaw: " biz buninggha qarita qattiq naraziliq bildürimiz, amérika dölet mejlisining dalay lamani altun médal bilen teqdirlishi hemde amérika rehberlirining dalay lama bilen körüshishi, xelq'ara munasiwetlerning asasiy prinsipigha éghir derijide ziyanliq bolupla qalmay, junggo xelqining héssiyati bilen oynashqanliq we qopalliq bilen junggoning ichki siyasitige arilashqanliq hésablinidu" dédi.

Dalay lamani altun médal bilen mukapatlash qarari, amérika dölet mejlisi teripidin ötken yili 9 ‏- ayda maqullan'ghan bolup, xitay hökümiti buning tibet musteqilchi küchliri üchün xata signal bolupla qalmay, belki junggoning ichki siyasitige arilishish hemde ikki dölet munasiwitige tesir yetküzüsh rolini oynaydighanliqini bildürgen idi.

Dalay lama 1989 ‏- yili nobél tinchliq mukapatigha érishken bolup, amérika dölet mejlisi bu qétim uninggha " tinchliq yoli arqiliq kishilik hoquq we dinlar arisidiki chüshinishlerni ilgiri sürüshke zor töhpe qoshqan " dégen sherepler bilen altun médal bérishni qarar qilghan idi . Charshenbe küni ötküzilidighan médal bérish murasimigha Uyghur milliy herikitining rehbiri rabiye qadir xanimmu qatnishidu. (Eqide)

Pikirler (0)
Share
Toluq bet