Хитайниң тибәттики әмәлдари далай ламани бөлгүнчилик һәрикәтлиригә чатти

2007-05-21
Елхәт
Пикир
Share
Принт

Дүшәнбә күни тибәттики бир юқири дәриҗилик хитай әмәлдар далай ламани хитайниң дүшмәнлири: исламчи бөлгүнчиләр вә бидәт фалунгоңчилар билән иттипақ түзүп, бейҗиңниң тибәт үстидики контроллуқини аҗизлаштурмақчи болди дәп әйиблиди.

Шинхуа ахбарат торида ашкарилинишичә, тибәт районлуқ парткомниң баш секретари җаң чиңли агаһландуруп: " тәйвәнлик мустәқилчилар, шәрқи түркистан ислам һәрикити, демократийә паалийәтчилири вә фалунгоңчилар билән еғиз-бурун ялишип, вәтәнни парчилайдиған иттипақ түзмәкчи болди" дәйду.

Җаң йәнә мундақ дәйду: "далай гуруһи елимиз территорийиси ичигә соқунуп кирип, бөлгүнчилик һәрикәт мәркизини вәтән ичигә йөткәшкә урунди".

Бир нәччә һәптә илгири, хитай даирилири, башқа чәтәл дөләтлиригә бесим ишлитип, далай ламани рәсмий күтүвалмаслиқ тоғрисида агаһландуруш бәргән. Нәтиҗидә у билгийәгә қилған сәпирини әмәлдин алдурған һәмдә у келәр айда австралийидә қилмақчи болған бир һәптилик зиярәтму охшаш бесимларға дуч кәлгән иди.(Җүмә)

Пикирләр (0)
Share
Толуқ бәт