Dalay lama tibet mediniyitining 15 yil ichide zawalliqqa yüz tutidighanliqini agahlandurdi

2007-06-08
Élxet
Pikir
Share
Print

Tibet rohani dahiysi dalay lama, eger xitay hökümiti tibetning öz - özini idare qilishigha yol qoymisa, 15 yil ichide zawalliqqa yuz tutidighanliqini agahlandurdi. Awstraliyide ziyarette boliwatqan dalay lama jüme küni mélborénda muxbirlargha "bizning meqsitimiz musteqilliq telep qilish emes," dep körsetti. U, " biz tibet medeniyitining tibet tili we tibetning muhitini qoghdap qalidighan heqiqi aptonomiye telep qiliwatimiz," deydu.

Dalay lamaning eskertishiche, nurghunlighan tibetler xitay hökümiti bilen bolghan söhbetning hazirghiche héchqandaq ilgirileshke érishelmigenlikidin sewr - taqiti tügeshke bashlighan. Dala lama, " eger weziyet kelgüsi 15 yil ichide yene dawam qilsa,méningche 15 yildin kéyin tibet tügeydu, dégenliktur," dep agahlandurdi.

Dalay lamaning awstraliye ziyariti xitay da'irilirining qarshi turushigha uchrighan we awstraliye da'irilirini dalay lama bilen körüshmeslikke agahlandurdi. Shu sewebtin awstraliye hökümet béshidiki emeldarlar dalay lama bilen körüshüsh mesiliside ikkilinip qalghan bolup, bash ministir jon xoward dalay lama bilen körüshidighanliqini élan qilishtin özini qachurup, dalay lama bilen körüshüshke waqit jedwili yar béridighan yaki bermeydighanliqigha qaraydighanliqini bildürgen idi.

Lékin dalay lama, eger jon xoward özini bilen körüshüshni epsiz körse, buni toghra chüshinidighanliqini tekitligen. Xitay, dalay lamani tibet junggoning ayrilmas bir qisimi, dep élan qilishqa qistimaqta. (Erkin)

Pikirler (0)
Share
Toluq bet