Тибәтниң диний даһиси далай лама сәйшәнбә күни йеңи зеландийидә зиярәттә болди

2007-06-19
Елхәт
Пикир
Share
Принт

Тибәтниң диний даһиси далай лама, сәйшәнбә күни йеңи зеландийидә зиярәттә болди. Далай лама, йеңи зеландийиниң ташқи ишлар министири винистон питерс билән қисқа сөһбәтләшкәндин кейин, өктичи партийиләрдин йешиллар партийиси һәмдә хәлқ партийисиниң әзалири билән учрашти. Икки партийә йеңи зеландийә һөкүмитини бейҗиңға баш әгди дәп әйиблиди.

Далай лама, йеңи зеландийиниң дөләтлик мухбирлар сарийида нутуқ сөзләп, өзиниң мүстәқиллиқ тәләп қилмайдиғанлиқидин хитай һөкүмитиниң хәвириниң барлиқини, тибәтниң иқтисадиниң начарлиқи түпәйли өзлириниң мүстәқиллиқ вә бөлгүнчиликни тәрғип қилмайдиғанлиқини, тибәтниң җуңхуа хәлқ җумһурийити астида болуши, тибәтләр үчүн пайдилиқ икәнликини билдүрди.

Далай лама сөзидә йәнә, өзлириниң алий аптономийә тәләп қилидиғанлиқини, бирақ хитай һөкүмитиниң буниңға тутқан позитсийисиниң интайин қаттиқ икәнликини тәкитлиди.

Далай лама өткән һәптә австралийини зиярәт қилип, австралийә баш министири җон ховард билән учрашқанда бейҗиң тәрәпниң қаттиқ наразилиқи қозғалған иди. (Әқидә)

Пикирләр (0)
Share
Толуқ бәт