Tibetning diniy dahisi dalay lama seyshenbe küni yéngi zélandiyide ziyarette boldi

2007-06-19
Élxet
Pikir
Share
Print

Tibetning diniy dahisi dalay lama, seyshenbe küni yéngi zélandiyide ziyarette boldi. Dalay lama, yéngi zélandiyining tashqi ishlar ministiri winiston pitérs bilen qisqa söhbetleshkendin kéyin, öktichi partiyilerdin yéshillar partiyisi hemde xelq partiyisining ezaliri bilen uchrashti. Ikki partiye yéngi zélandiye hökümitini béyjinggha bash egdi dep eyiblidi.

Dalay lama, yéngi zélandiyining döletlik muxbirlar sariyida nutuq sözlep, özining müsteqilliq telep qilmaydighanliqidin xitay hökümitining xewirining barliqini, tibetning iqtisadining nacharliqi tüpeyli özlirining müsteqilliq we bölgünchilikni terghip qilmaydighanliqini, tibetning jungxu'a xelq jumhuriyiti astida bolushi, tibetler üchün paydiliq ikenlikini bildürdi.

Dalay lama sözide yene, özlirining aliy aptonomiye telep qilidighanliqini, biraq xitay hökümitining buninggha tutqan pozitsiyisining intayin qattiq ikenlikini tekitlidi.

Dalay lama ötken hepte awstraliyini ziyaret qilip, awstraliye bash ministiri jon xoward bilen uchrashqanda béyjing terepning qattiq naraziliqi qozghalghan idi. (Eqide)

Pikirler (0)
Share
Toluq bet