Dalay lama wekiller ömiki jüme küni xitayni ziyaret qilmaqchi

2007-06-28
Élxet
Pikir
Share
Print

Tibetlerning diniy dahisi dalay lamaning alahide wekiller ömiki jüme küni xitayda ziyarette bolup, öz ‏- ara söhbet élip bérishni pilanlighan.

Royétris agéntliqi, sürgündiki tibet hökümitining bayanatini neqil keltürüp, dalay lamaning washin'gtondiki alahide wekili lodi gyarining ikki neper yardemchisining hemrahliqida, béyjingda 6 ‏- qétimliq söhbetni élip baridighanliqini bildürgen.

2002 ‏- Yilidin buyan, xitay da'iriliri dalay lamaning wekilliri bilen di'alog qurup keldi, emma 5 qétim élip bérilghan di'alog héchqandaq netije bermigen idi.

Bir qisim mutexessislerning tekitlishiche, eger ikki terep öz ‏- ara di'alog élip bériwatqan mezgilde 1989 ‏- yili nobil ténchliq mukapatigha érishken dalay lama sürgünde turup ölüp ketse, tibet xelqining xitay hökümitige bolghan naraziliqi téximu küchiyishi mumkin.

Xitay armiyisi 1950 ‏- yili tibetni bésiwalghan, 1959 ‏- yili tibetliklerning xitay hökümitige qarshi élip barghan herikiti meghlub bolghandin kéyin, dalay lama tibettin hindistan'gha qéchip kelgen. Dalay lamaning alahide wekiller ömiki xitay hökümitining xadimliri bilen uchriship, tibetning aptonomiye qanuni we dalay lamaning tibetke qaytip kélish mesililiri üstide muzakire élip barmaqta. (Eqide)

Pikirler (0)
Share
Toluq bet