Béyjing, dalay lamaning warisi chet'elde tughulsa étirap qilmaydighanliqini agahlandurghan

2007-08-24
Élxet
Pikir
Share
Print

Béyjing hökümiti yéqinda tibet lamalirining waris békitish mesilisi toghrisida yighin chaqirip, lamalar waris békitkende tibetni asas qilishni, eger dalay lama bölgünchilik herikitini toxtatmisa, uning chet'elde békitken warisini merkizi hökümet étirap qilmaydighanliqini bildürgen.

Xongkongda chiqidighan "shingdaw" gézitining jüme küni xewer qilishiche, yighinda da'iriler tibet lamalirining xitay hökümiti chiqarghan "lamalarning waris békitish belgilimisi"ni qet'i ijra qilishini telep qilip, waris békitkende choqum hökümetning ruxsitini élishni, tibettiki lama butxanilirida "sotsiyalistik wetenperwerlik terbiyisini chongqurlashturushni" tekitligen. Tibet rohani dahisi dalay lama ilgiri, eger u hayat waqtida tibet mesilisi hel bolmisa, dalay lamaning warisi tibette tughulmaydighanliqini bildürgen idi. Dalay lama 1995 - yili 6 yashlardiki néyma isimlik bir ösmürni 11 - benchenning warisi qilip békitkende xitay hökümiti yéngi benchenni nezerbent qilghan bolup, uning aqiwiti hazirgha qeder kishilerge melum emes.

Erkin asiya radi'osining ziyaritini qobul qilghan tibetlik buddistlar bolsa xitay da'irilirining agahlandurushini " külkilik," dep eyiplimekte. Béyjingdiki xitay yazghuchi wang lishyong jüme küni radi'omizgha "dalay lama chet'elde waris békitse étirap qilmaymiz, dep tehdit sélishning héchbir ehmiyiti bar, dep qarimaydighanliqini"bildürdi. U, ati'izimgha ishinidighan bir hökümetning dinni bashqurmaqchi bolushining özi bir ghelitilik, "deydu. Dalay lama yéqinda gérmaniyidiki bir ziyaritide, tibet mediniyitining 15 yil ichide pütünley halak bolushidin endishe qilidighanliqini tekitligen. ( Erkin)

Pikirler (0)
Share
Toluq bet