Xitay amérikining dalay lamagha altun médal bérish qararigha qattiq naraziliq bildürdi

2007-10-11
Élxet
Pikir
Share
Print

Xitay hökümiti, amérika dölet mejlisining, tibetning diniy dahisi dalay lamagha amérika dölet mejlisi altun midali bérish qararigha qattiq naraziliq bildürdi.

Xitay tashqi ishlar minstirliqining bayanatchisi lyu jenchaw peyshenbe küni béyjingda muxbirlargha bergen bayanatida, amérika dölet mejlisining dalay lamagha altun médal mukapati bergenlikige qarshi turidighanliqini tekitlep, "biz her qandaq bir dölet yaki shexisning dalay lamadin junggoning ichki ishlirigha arilishish üchün paydilinishigha qarshi turimiz " dégen.

Amérika bixeterlik kéngishining bayanatchisi ötken ay bergen bayanatida, amérika prézidénti jorj bushning, 17‏- öktebir küni washin'gtonda ötküzülidighan, dalay lama gha amérika dölet mejlisi altun médal mukapati bérish murasimigha qatnishidighanliqini jakarlighan idi.

Prézidént jorj bushning dalay lamagha mukapat bérish murasimigha qatnishishi, tunji qétim bir dölet re'isining dalay lamani mukapatlash sorunigha qatnishishi bolup hésablinidiken.

Xewerlerge qarighanda, amérika prézidénti, ötken ay awstraliyide xitay dölet re'isi xu jintaw bilen körüshkinide, xu jintawni özining dalay lamagha amérika dölet mejlisining altun médal bérish murasimigha qatnishidighanliqidin xewerlendürgen. (Eqide)

Pikirler (0)
Share
Toluq bet