Dalay lamani tebrikligen tibet rahipliri bilen xitay saqchilar arisida toqunush yüz bergen

2007-10-22
Élxet
Pikir
Share
Print

Xongkong metbu'atlirining xewer qilishiche, tibet rohani dalay lamaning ötken hepte amérika dölet mejlisi altun médali bilen mukapatlan'ghanliqini tebriklimekchi bolghan tibet merkizi lxasadiki bir ibadetxanining nechche yüz rahibi bilen xitay saqchiliri arisida toqunush yüz bergen bolup, toqunush 4 kün dawam qilghan.

Xitay da'iriliri lxasadiki weqe yüz bergen jépung ibadetxanisigha 3000 kishilik saqchi qoshuni yötkep kélip, ibadetxanidiki 1100 neper rahibning sirtqa chiqishini yaki sirttikilerning ibadetxanigha kirishini chekligen.

Xitay, amérika dölet mejlisining 17 ‏- öktebir küni dalay lamani altun médal bilen mukapatlighanliqigha naraziliq bildürüp, bu weqe xitay - amérika munasiwitige éghir dexli - teruz yetküzidu, dep agahlandurghan idi. Jépung ibadetxanisidiki rahiplar dalay lamaning mukapat alghanliqini tebriklimekchi bolghan bolsimu, da'irilerning tosqunluqigha uchrap, saqchilar ibadetxanigha xada asmaqchi bolghan rahiplarni urghan. Lékin xewerde qanche kishining qolgha élin'ghanliqi yaki yarilan'ghanliqi tilgha élinmidi.

Roytérs axbarat agéntliqining xewer qilishiche, jaybung ibadetxanisining yénidiki yene bir ibadetxanida saqchilar bilen rahiplar toqunushqan shundaqla saqchilar kochilargha tekshürüsh ponkitlirini qurghan.

Amérika prézidénti jorj bush, dölet mejlisining dalay lamagha mukapat bérish murasimida xitay rehbirini dalay lama bilen körüshüshke chaqirghan idi. (Erkin)

Pikirler (0)
Share
Toluq bet