Dalay lama öz warisini belgilesh qararini ipadilidi

2007-11-22
Élxet
Pikir
Share
Print

Xitay da'iriliri, tibetning diniy dahisi dalay lamani" tibetlerning buddist en'enisige xilapliq qildi" dep eyiblidi. Dalay lama yéqinda wapatidin burun, öz warisini békitidighanliqini, bu warisning héchqachan xitay hökümiti teripidin belgilen'gen ösmür lama emes ikenlikini tekitligen idi.

Xitay tashqi ishlar ministirliqining bayanatchisi lyu jenchaw peyshenbe küni derhal bu heqte inkas bildürüp":dalayning bu herikiti, tibet buddist qa'idisige hemde tarixiy adetlirige uyghun kelmeydu" dédi.

Dalay lama, öz warisini saylam bilen békitidighanliqini yaki bolmisa özining ölümidin burun békitidighanliqini éytqan bolup, dalay lama yaponiyide yuqiriqi qarashlirini yene bir qétim tekitlep ötüp " : tibet xelqi, junggu hökümiti teripidin belgilen'gen lama warisini qobul qilmaydu" dédi.

1989 ‏- Yili" nobil ténchliq mukapati" gha érishken dalay lama, yéshining kündin - kün'ge chongiyiwatqanliqini közde tutup, wars belgilesh mesilisge yéqindin köngül bölmekte.

Dalay lama ilgiri yene, " 1959 ‏- yilidin kéyin nurghunlighan tibetler chet'ellerge qéchip chiqti, nurghunlighan tibet yashliri chet'ellerde aliy derijilik ünwanlargha érishti hemde yawrupa we amérikilarda herqaysi dölet xelqliri bilen birge turmush kechürdi. Bu jeryanda köpligen amérika we yawropaliqlar budda dinigha étiqad qilip, tibetning diniy, medeniyiti shuningdek siyasiy pa'aliyetlirini qollap quwetlidi, bundaq ehwal astida , néme üchün chet'ellerdiki tibetlerdin lama warisini békitishke bolmaydiken" dégen idi. (Eqide‏)

Pikirler (0)
Share
Toluq bet