Hindistan saqchiliri yüzligen tibetlikni qolgha aldi

2008-03-13
Élxet
Pikir
Share
Print

Hindistan saqchiliri peyshenbe küni, hindistanning shimalida, olimpik murasimining béyjingda ötküzülüshige naraziliq bildürgen 130 neper tibetlikni qolgha aldi.

Hindistanda sürgünde yashawatqan tibetlikler, " tibetke yürüsh qilish" pa'aliyiti élip bérish arqiliq xitayning olimpik ötküzüshke munasip kelmeydighanliqini ipadileshni pilanlighan bolup, hindistan da'iriliri tibetliklerning mezkür herikitini cheklidi.

Hindistan saqchi da'iriliri peyshenbe küni, déra kentide yolgha chiqishqa teyyarliniwatqan tibetlerni tosap qalghandin sirt, ularni mashinigha bésip élip ketken.

Neq meydanni körgüchilerning éytishiche, tibetler " tibetke erkinlik" dégen shu'arlarni towlap, saqchilargha qarshiliq bildürgen. Naraziliq bildürgüchiler yene, hindistan saqchilirining tosqunluq qilishi bilen özlirining bu pa'aliyitini hergiz toxtitip qoymaydighanliqini ipadiligen.

Dunyaning her qaysi jaylirida tibetke yürüsh qilish naraziliq herikiti birdek élip bérildi. Bu arida xitay hökümiti 300 neper lamaning lxasada namayish ötküzüshke urun'ghanliqini shuningdek 60 ademning qolgha élin'ghanliqini resmiyleshtürgen idi.

Tibetlik siyasiy pa'aliyetchiler, tibetliklerning olimpik munasiwiti bilen ötküzgen naraziliq pa'aliyetlirining her qaysi démokratik ellerning qollishigha érishkenlikini, biraq hindistanning, xitayning bésimi bilen ténchliq yosunda yürüsh qilghan tibetlerni basturush qilmishining xelq'ara qanun'gha xilap heriket hésablinidighanliqini bildürmekte. (Eqide)

Pikirler (0)
Share
Toluq bet