Tibette qilin'ghan namayish basturuldi

2008-02-25
Élxet
Pikir
Share
Print

Tibetning emdo rayonida en'eniwi bayrimini tebriklewatqan tibetlik amma bilen xitay j x tarmaqliri arisida toqunush yüz bergen bolup, netijide xitay saqchiliri 200 neper tibetlikni qolgha alghan. Emma yerlik hökümet, pa'aliyetke qatnishiwatqan jama'etning bésimi astida, qolgha élin'ghan barliq tibetliklerni qoyup bergen bolsimu, bularning ichidiki ikki neper tibetlikning yarisi éghir bolghanliqi üchün doxturxanigha élip bérilghan.

Radi'omiz igiligen melumatlargha qarighanda, toqunush yuz bergendin kiyin xitayning yerlik hökümiti mezkur rayondiki diniy pa'aliyetni derhal toxtatqan we nurghunlighan j x saqchiliri we qoralliq saqchi qisimlirini neq meydan'gha ewetken.

Eslide bu kishilerning köpinchisi budda rohaniyliri bolup, ular monlam chénmo yeni büyük tilawet bayrimida özlirining en'eniwi ilahqa séghinish usulini oynawatqan bolup, saqchilar bilen tibet yashliri toqunushup qilip,namayish yüz bergendin kéyin xitay saqchiliri yash aqquzush bombisi ishlitip jama'etni tarqaqlashturghan.

Weqeni körgen bir guwahchining éytishiche, saqchilar neq meydan'gha yétip kelgen bolsimu, emma yerliklerning heywe körsitish herikiti bésiqmighan bolup, namayishchilar tash- kések we toqmaqlarni ishlitip saqchilargha qarshi turghan. Netijide, namayishchilar " tibetke musteqilliq ", "dalay lama yashisun" dégen'ge oxshash sho'arlarni towlashqan we hökümetning yette aptomobilini örüp köydürüwetken.

Yerlik saqchi da'iriliri bundaq bir weqening yuz bergenliki heqqide toxtilishni xalimighan bolsimu, emma yerlik hökümet bayanat élan qilip yerlik yash tibetlerning büyük tilawet bayrimida namayish qilghanliqini bildürdi. Namayish kechqurun sa'et onlar etrapida aran bésiqqan. (Jüme)

Pikirler (0)
Share
Toluq bet