Tibet dostluqi teshkilati tibetning musteqilliqini terghip qildi

2007-07-12
Élxet
Pikir
Share
Print

Chet'eldiki tibet teshkilatliridin biri bolghan tibet dostluqi teshkilati yéqinda hindistanda yighin chaqirip, tibetning musteqilliqini teshebbus qildi.

Tibet dostluqi teshkilati, merkizi hindistandiki tibet teshkilati bolup, mezkur teshkilatning bashqa döletlerde bir qanche shöbilirimu tesis qilin'ghan.

Tibet dostluqi teshkilatining yighinida söz qilghan, meshhur tibet yazghuchisi jayung lobu ": tibet ezeldinla bir musteqil dölet, 1950 ‏- yili xitay kommunist hökümitining tajawuzigha uchrighan. Bu eng asasliq mesile bolup, bashqa mesililer 2 ‏- orunda turidighan mesile hésablinidu. Kishilik hoquq mesilisi, tibetning diniy erkinlikining basturulushi, tibetning muhit mesilisi qatarliqlarning hemmisi kéyinki mesililer, eng muhimi tibet eslide bir erkin musteqil dölet idi" dédi.

Bir qanche yillardin buyan, dalay lama bashchiliqidiki tibetning sürgündiki hökümiti izchil türde béyjing bilen söhbet ötküzüp keldi. Dalay lamaning alahide wekili lodi geri ötken hepte xitayda ziyarette bolup, xitay hökümet xadimliri bilen 6 ‏- qétimliq söhbitini élip bardi.

Jayung lobuning éytishiche, dalay lama wekillirining béyjing terep bilen élip barghan söhbitide héchqandaq netije körülmigenliki üchün, tibetning müsteqilliq mesilisini kötirip chiqip, tibet herikitide bir qozghilish peyda qilish arqiliq tibetni we dunyaning herqaysi jayliridiki tibetlerni " müsteqilliq" nishani üchün tirishchanliq körsitishke yüzlendürüsh kérek iken. (Eqide)

Pikirler (0)
Share
Toluq bet