Radi'omizning yéngi déhlidin ige bolghan melumatigha asaslan'ghanda , sürgündiki tibet yashlirining teshkilati bolghan tibet yashlar qurultéyi qozghighan xitay hökümitige qarshi ashliq élan qilish herikiti seyshenbe küni16 - künige qedem qoydi.
Merkizi axbarat agéntliqining xewiride körsitilishiche, ashliq élan qilishqa qatnashqanlar ikki neper ayalni öz ichige alghan 14 neper tibetler bolup , ularning yéshi 26 yashtin 75 yashqiche iken.
Tibet yashlar qurultéyi re'isi tenzin géychi tésongning bildürüshiche , qerelsiz achliq élan qilish , tibet yashlar qurultéyi teripidin élip bériliwatqan keng kölemlik namayish pa'aliyitining bir qismi bolup ,ular béyjing hökümitidin tibet kishilik hoqoq mesilisige jawab bérish, dalay lama belgiligen11 - benchen lamaning xewirini bérish, ching - zang tömür yolining tibet xelqige qandaq menpe'et béridighanliqigha jawab bérish, tibet wekilliri ömikini 2008 - béyjing olimpik yighinigha kirgüzüsh qatarliqlarni telep qilmaqta iken.
Sürgündiki tibet hökümiti gerche achliq élan qilghanlarni achliqni toxtitishqa dewet qilghan bolsimu , achliq élan qilghuchilar birdek xitay hökümiti teleplirimizni qobul qilmighiche achliqni dawamlashturidighanliqini ipadiligen. (Gülchéhre)
