Tibetning dini dahisi dalay lama 28 - öktebir küni kanadani ziyaret qilmaqchi. Kanadada chiqidighan 'dölet pochta géziti'ning 9 ayning 19 - küni élan qilghan xewiride bayan qilinishiche, dalay lama kelgende kanadaning yéngi fondilendi shehiride, sheherlik hökümet binasida tibetning dölet bayriqi chiqirilidu.
1999 - Yili bu sheherde, tibetning 50 yildin buyan xitay teripidin ishghal qiliniwatqanliqigha qarshi ötküzülgen namayishta, eyni waqitta kanadani ziyaret qiliwatqan xitay bash ministiri ju rungjining bésimi bilen tibetler chiqarghan dölet bayriqi chüshüriwitilgen idi.
Xewerde éytilishiche, bu qétim yéngi fondilendi shehirining bashliqi dani wélyamis ependi xitayning kishilik hoquq rékorti heqqide toxtalghanda 'jungxu'a xelq jumhuriyiti, dégen emeliyette xelqning jumhuriyiti emes, u peqet kommunist partiyining, bir ochum bandétning jumhuriyiti. Emdi dala lama kelgende, shehirimizning hökümet binasida tibetning dölet bayriqi chiqirilidu' dégen. Shundaqla u sözide yene 'olimpik musabiqisni ötküzüsh hoquqi bir ochum bandit jinayet sadir qiliwatqan jaygha bérilmesliki kérek' dégen. (Weli)
