Тибәт малчи, һөкүмәтни ағдуруш җинайити билән әйибләнди

2007-11-09
Елхәт
Пикир
Share
Принт

Бу йил авғустта сичуәндә қолға елинған тибәт малчи һөкүмәтни парчилаш вә ағдурмичилиқ җинайити билән әйибләнгән болуп, кишилик һоқуқ тәшкилатиниң билдүрүшичә, хитай һөкүмити мәзкур малчиға артқан гунаһларниң һәммиси төһмәт икән.

Тибәтлик малчи роңгял ардақ, диний әркинликни тәләп қилған вә хитай һөкүмитидин далай ламаниң хитайни зиярәт қилишиға йол қоюшни тәләп қилғанлиқи үчүн сичуән өлкисидә бу йил авғустта қолға елинған иди.

Баш штаби нюйоркқа җайлашқан кишилик һоқуқни көзитиш тәшкилатиниң билдүрүшичә, ардақ узунға қалмай җазаға тартилидикән.

Ардақ сичүән өлкисиниң тибәткә қошна райони, гези вилайитидин болуп, у бу йил авғустта лиң тан йезисида елип бериливатқан ат бәйгисидә қолға елинған иди.

Мәлум болушичә, шу қетимлиқ ат бәйгисидә ардақ сәһнигә ямишип чиқип далай ламаниң қайтип келишини вә тибәт миллий һоқуқини тәләп қилип түрмигә кирип қалған икки тибәтлик раһибни қоюветишни тәләп қилип шоар толған икән. (Җүмә)

Пикирләр (0)
Share
Толуқ бәт