Sürgündiki tibet musteqilchiliri hindistandin tibetke qarap yol aldi

2008-03-10
Élxet
Pikir
Share
Print

10 - Mart düshenbe küni 100 din artuq tibetlik hindistanning daramsala shehiridin tibetke qarap yolgha chiqqan bolup, ularni minglighan qollighuchilar tibet bayriqini lepilditip zor alqishlar bilen uzitip qoyghan.

Fransiye agéntliqining körsitishiche, tibet taman yolgha chiqqan bu 100 kishilik marsh etriti ichide tibet rahibliri we 10 neper ayalmu bar bolup, ular shu mangghanche xitay chégrisidin ötüp tibetke kirishni pilanlighan. Halbuki, bu marshni teshkilligüchi tibetler, ularning qachan, qeyerdin, xitay chégrisidin ötidighanliqini bildürmigen bolsimu, emma özlirining tibetning paytexti lixasa shehirigiche baridighanliqini ashkarilighan.

Tibet yashlar qurultiyining re'isi tséwang rigzin munularni bildürgen " bizning bu nöwetlik marshimiz tibet ichi we sirtidiki barliq tibetlikning heqiqiy arzu - tileklirini eks ettüridighan bolup, bu xitaygha tibetlerning wetinining qanunsiz bésiwélin'ghanliqigha qarshi küresh qilidighanliqidin ibaret signalini yetküzidu."

U yene, xitay hökümitining olimpikdin ibaret sehnidin paydilinip tibetni qanunsiz bésiwalghanliqini qanunluq qilishqa urunuwatqanliqini bildürgen we " tibet tibetliklerningki, biz tibet musteqil bolmighiche herikitimizdin hergiz waz kechmeymiz" dégen.

Fransiye agéntliqining xewiride körsitilishiche yene, tibetke qarap yolgha chiqqanlarning ichidiki eng yash qatnashquchi bolsa 19 yashliq toluq ottura oqughuchisi ténzén péma bolup, u özining bu seperge chiqishidiki muddi'asini bildürüp: " azat tibet mekteptin muhim, shunga men wetinimge qaytip, bu bayraqni özümge tewe zémin'gha qadaymen" dégen.

Tibet pa'aliyetchiliri yene, bu yil daramsalada "tibet olimpiki" musabiqisi ötküzüp, özlirining bu yil awghustta béyjingda ötküzilidighan olimpik herikitige bolghan naraziliqini bildürmekchi. (Jüme)‏

Pikirler (0)
Share
Toluq bet