Tibettiki toqunushlar kéngeymekte

2008-03-15
Élxet
Pikir
Share
Print

Lasa-Tank-Soldriers-200.jpg
Tibet paytexti lxasa kochilirini igiliwalghan xitay tanka we armiyisi. Süret, 15 - mart küni tartilghan. AFP Photo

Lxasadiki bir tibetlik radi'o anglighuchining, erkin asiya radi'osining tibet bölümige téléfon arqiliq xewer qilishiche, lxasadiki toqunushlarda tibetlik namayishchilar, lxasa shehirining barxor rayonidiki xitaylargha a'it pütün dukan we magizinlargha ot qoyup bergen, nurghunlighan mashinilarni köydürüwetken.

Tibettiki toqunushlar heqqide dalay lamani eyibligen xitay hökümiti, lxasadiki weqelerde 160 jaygha ot qoyup bérilgenlikini, 580 kishining qutquzuwilin'ghanliqini we on kishining ölgenlikini bildürdi.

Bu arida, lxasada bashlan'ghan namayish we narazliq heriketliri, tibetning amdo we kam rayonlirigha hetta xitayning chingxey we sichüen ölkilirigiche kéngeygen bolup, shenbe küni shiyawxé shehiride tibetlikler teripidin élip bérilghan naraziliq herikiti jeryanida, tibetlik namayishchilar " yashisun dalay lama" dep shu'arlar towlap, yerlik hökümet binalirigha hujum qilghan.

Igileshlerge qarighanda, tibetning litong, kam we samiye sheherliridimu naraziliq heriketliri élip bérilghan.

Roytérs agéntliqining béyjingdin xewer qilishiche, xitay hökümiti shenbe küni bir uqturush chiqirip, tibetlik namayishchilargha naraziliq herikitini toxtitip, xitay bixeterlik qisimlirigha teslim bolushi üchün, düshenbe künigiche waqit bergen.

Xitay hökümitining bu heqtiki uqturushida, hökümetning düshenbe künigiche teslim bolghanlargha kengchilik qilidighanliqi, teslim bolmighanlarni, qattiq jazalaydighanliqi tekitlen'gen. (Ömer qanat)

Pikirler (0)
Share
Toluq bet