Tibet musteqilliq teshkilati béyjingda échilidighan olimpik yighinigha wekiller ömiki ewetishni telep qildi

2007-05-15
Élxet
Pikir
Share
Print

Tibet musteqilliq teshkilati béyjingda échilidighan olimpik yighinigha wekiller ömiki ewetishni telep qildi

Yéqinda tibet musteqilliqini teshebbus qilidighan bir teshkilat 2008 ‏- yili béyjingda échilidighan olimpik yighinigha öz wekillirini ewetishni telep qildi.

Tibetliklerning musteqilliq herikitini yéqindin qollap kelgen xelq'ara tibetlikler herikitini qollash guruppisi chet'eldiki sergerdan tibetliklerdin terkip tapqan bir tenterbiye ümikining qurulghanliqini melum qildi hemde mezkur tibetlikler xelqara olimpik komitétidin tenterbiye ömikining béyjingda échilidighan olimpik yighinigha qatnishishigha ruxset qilishini telep qildi.

Xelq'ara tibetlikler herikitini qollash guruppisining bayanatchisi Lhadon Tethong ‏- " biz kéler yili 8 ‏- ayda ötküzülidighan olimpik yighinida, tibet bayriqini égiz kötürüp, yighin meydanigha bashqa siportchilar bilen birlikte, qed kötürüp kirishni ümid qilimiz" dep bildürdi.

Gerche, olimpik yighinigha qatnishidighan sportchilar choqum xitay ichidin tallinidighanliqi éniq bolsimu, tibet teshkilati yenila öz telipini otturigha qoyghan. Analizchilarning bildürüshiche, olimpik yighinining yéqinlishishi bilen, tibet musteqilliq teshkilatining xelq'ara olimpik komitétidin mezkur yighin'gha qatnishishni telep qilishi xelq'ara jem'iyetning ular we xitay otturisidiki toqunushlargha bolghan diqqitini qozghash iken.

Xitay hökümiti ötken ayda jumulangma choqqisida xitay hökümitige naraziliq bildürgen 5 neper amérika puqrasini sürgün qilghan. Gerche xitay hökümiti tibetni qedimdin tartip xitayning bir bölüki dep kelgen bolsimu, nurghunlighan tibetlikler tibetni uzun bir muddetkiche,musteqil halette idi - dep qarimaqta. (Méhriban)

Pikirler (0)
Share
Toluq bet