Хитай һөкүмити тибәткә йеңи һәрбий қисимлар орунлаштурмақта

2008-03-19
Елхәт
Пикир
Share
Принт

Чәтәлләрдә паалийәт елип бериватқан тибәт тәшкилатлириниң хәвәр қилишичә, хитай һөкүмити тибәтләрниң қозғилиңини бастуруш үчүн, ғәрбий районларға зор миқдарда қошумчә һәрбий қисимлар йөткимәктә.

Франисйә агентлиқиниң хәвәр қилишичә, хитай һөкүмити болупму тибәт билән чегридаш болған вә бир қәдәр көп тибәтлик яшайдиған сичуән өлкисигә нурғунлиған һәрбий қисимлар орунлаштурған.

Сичуән өлкисини зиярәт қиливатқан чәтәллик мухбирларниң хәвәр қилишичә, хитай даирилири сичуән өлкисиниң тибәтләр орунлашқан районлириға көплигән әскәр вә еғир қораллар йөткигән.

Әркин тибәт һәрикити тәшкилатиниң билдүрүшичә, сичуәнниң нигава наһийисидә хитай бихәтәрлик қисимлири канайлар билән йәкшәнбә күни мәзкур наһийидә елип берилған наразилиқ һәрикитини тәшкиллигәнләрни тәслим болушқа чақирмақта.

Тибәтниң мәркизи лихаса шәһири вә әтрапида қаттиқ бихәтәрлик тәдбирлири алған хитай даирилириниң билдүрүшичә, һазирғичә 100 дин ошуқ тибәтлик қозғилаңчи тәслим болған. (Өмәр қанат)

Пикирләр (0)
Share
Толуқ бәт