Xitay hökümiti tibetke yéngi herbiy qisimlar orunlashturmaqta

2008-03-19
Élxet
Pikir
Share
Print

Chet'ellerde pa'aliyet élip bériwatqan tibet teshkilatlirining xewer qilishiche, xitay hökümiti tibetlerning qozghilingini basturush üchün, gherbiy rayonlargha zor miqdarda qoshumche herbiy qisimlar yötkimekte.

Franisye agéntliqining xewer qilishiche, xitay hökümiti bolupmu tibet bilen chégridash bolghan we bir qeder köp tibetlik yashaydighan sichu'en ölkisige nurghunlighan herbiy qisimlar orunlashturghan.

Sichu'en ölkisini ziyaret qiliwatqan chet'ellik muxbirlarning xewer qilishiche, xitay da'iriliri sichu'en ölkisining tibetler orunlashqan rayonlirigha köpligen esker we éghir qorallar yötkigen.

Erkin tibet herikiti teshkilatining bildürüshiche, sichu'enning nigawa nahiyiside xitay bixeterlik qisimliri kanaylar bilen yekshenbe küni mezkur nahiyide élip bérilghan naraziliq herikitini teshkilligenlerni teslim bolushqa chaqirmaqta.

Tibetning merkizi lixasa shehiri we etrapida qattiq bixeterlik tedbirliri alghan xitay da'irilirining bildürüshiche, hazirghiche 100 din oshuq tibetlik qozghilangchi teslim bolghan. (Ömer qanat)

Pikirler (0)
Share
Toluq bet