Xitay tibet aptonom rayonida dalay lamaning tesirini tazilash herikiti qozghidi

2007-08-10
Élxet
Pikir
Share
Print

Kishilik hoquqi teshkilatlirining jüme küni ashkarilishiche, xitay hökümiti tibet aptonom rayonida dalay lamaning tesirini tazilash herikiti qozghap, dalay lamagha qarshi ipade bildürüshni ret qilghan tibet kadirliridin nechche onlighan kishini xizmitini élip tashlighan we nurghun kishiler bu sewebtin tenqidke uchrighan.

Xongkongdiki junggo démokratiye we kishilik hoquq uchur merkizi, bu yil 7 aydin béri tibettiki 74 nahiyidin 54 neper yerlik partiye sékritarining wezipisidin élip tashlan'ghanliqini we ularning ornigha ichkiridin xitay kadirlarni yötkep kélip orunlashturghanliqini bildürdi. Mezkur teshkilat bu heqtiki bayanatida " junggo yéqindin béri étnik tibet kadirlirigha nahayiti az ishinidighan boldi. Partkomining sékritari jang chingli yéqinda tibet kadirlirini dalay lamani pash qilish we tenqit qilish herikitini yéterlik türde élip barmidi, dep tenqidligen," deydu.

Jang chingli, tibet aptonom rayoni partkomining sékritarliqigha östürülüshtin burun, Uyghur aptonom rayonining mu'awin sékritari, da'imiy mu'awin re'is we ishlepchiqirish qurulush bingtüenining qomandani qatarliq wezipilerni atqurghan. Junggo démokratiye we kishilik hoquqi uchur merkizining eskertishiche, xitay hökümiti ichkiridiki 17 ölke we sheherdin kelgen 853 neper pida'iy xitaylar ichidin nurghun kishilerni tibet aptonom rayonining hökümet kadirliqigha atighan. Mezkur teshkilat yene, hökümetning xitay puqralirigha her xil wedilerni bérip, 000, 10 din artuq kishini tibetke kélishke qiziqturghanliqini bildürdi.

Xitay da'iriliri téxi yéqindila dalay lamaning 4 kishilik wekiller'ömikini béyjingda kütüwélip, ular bilen tibet mesilisi toghrisida söhbet élip barghan idi. (Erkin)

Pikirler (0)
Share
Toluq bet