Xitay, tibet diniy rehberlirining xitay hökümitidin ruxsetsiz saylinalmaydighanliqini belgilidi

2007-10-10
Élxet
Pikir
Share
Print

Charshenbe küni hindistanda yashawatqan tibetlik yashlar, xitay hökümiti teripidin tibette yolgha qoyulghan yéngi diniy belgilimilerge naraziliq bildürüsh üchün, hindistanning paytexti yingi déhlidiki xitay bash elchixanisigha basturup kirgen.

Franisye agéntliqining xewer qilishiche, xitayning tibettiki yéngi diniy belgilimisige naraziliqini ipadilesh üchün, xitay elchixanisigha bésip kirgen tibetliklerning bir qismi zenjirler bilen özlirini elchixana ichidiki xitay bayriqi isilghan tüwrükke baghliwalghan, yene bir qisimi bolsa, elchixanining derwazisigha we tamlirigha qizil qelemler bilen "tibetke erkinlik" dep shu'arlar yazghan. Namayishchi tibetlikler hindistan saqchiliri teripidin tutulghan.

Tibette,xitay hökümiti teripidin 1‏- séntebir küni yolgha qoyulghan yéngi diniy belgilimide, chet'ellerdiki tibet diniy rehberlirining tibettiki diniy rehberlerni saylash ishigha arilishishi cheklen'gen hemde tibet diniy rehberlirining xitay hökümitidin ruxsetsiz saylinalmaydighanliqi tekitlen'gen.

Chet'ellerde pa'aliyet élip bériwatqan tibet teshkilat rehberliri, xitay hökümitining yéngi belgilimisi tibet diniy rehberlirining saylinishida dalay lamaning tesirini azaytishni shundaqla yüz yillardin béri dawamliship kéliwatqan tibet buddizimi en'enisini yoqitishni meqset qilghanliqini bayan qilmaqta. (Ömer qanat)

Pikirler (0)
Share
Toluq bet