Сичүәнниң гәнзи районидики ламаларниң диний әркинлики дәхлигә учримақта

2007-12-25
Елхәт
Пикир
Share
Принт

Хитай даирилири, бейҗиң олимпикиниң өткүзүлүшиниң аз қалғиниға қаримай йәнила кишиләрниң диний әркинликигә дәхли йәткүзмәктә .

Хитай чоң қуруқлуқида чиқидиған 4 ‏- июл тйәнәнмен вәқәси тор бетиниң сәйшәнбә күни билдүрүшичә, сичүән гәнзи областлиқ һөкүмитиниң тибәтләргә қаратқан контроллуқи алаһидә күчәйтилгән болуп, һөкүмәт хадимлири буйруқ чүшүрүп 18 яшқа кирмигән тибәт яшлириниң лама болушини чәклигән шуниңдәк нурғун будханиларда тәкшүрүш елип берип кичик ламаларни будханидин қоғлап чиқарған.

Гәнзи области бәййү наһийисидики бир ламаниң 4 ‏- июл тйәнәнмен вәқәси тор бетигә билдүрүшичә, һөкүмәт йеқинда 18 яшқа тошмиған 13 нәпәр кичик ламани, будханидин мәҗбурий қоғлап чиқарған. Тибәтләрниң диний өрп ‏- адити буйичә бала ламалар кичик вақтидин башлапла будханиға кирип буддист билимлири игиләйдикән. Һазир хитай һөкүмити тибәт балилирини 18 яшқа кирмигичә будханиға кирәлмәйдиған қилип, уларниң диний әркинликини тосиған. Буниңдин сирт йәнә ламаларниң һиндистанниң дарамсаладики тибәт сүргүн һөкүмити билән мунасивити бар ‏- йоқлуқи үстидә тәкшүрүш елип барған.

Гәрчә хитай даирилири өз пуқралирини диний әркинликтин толуқ бәһримән болмақта дәп тәшвиқ қилип кәлгән болсиму, әмма һәр қайси дин муритлириниң диний әркинликини изчил түрдә чәкләп кәлмәктә. Болупму уйғурларни диний радикал күчләр дегән қалпақ билән әйибләп, түрмиләргә ташлиғандин сирт һәтта өлүм җазаси билән җазалимақта. (Әқидә)

Пикирләр (0)
Share
Толуқ бәт