Sichüenning genzi rayonidiki lamalarning diniy erkinliki dexlige uchrimaqta

2007-12-25
Élxet
Pikir
Share
Print

Xitay da'iriliri, béyjing olimpikining ötküzülüshining az qalghinigha qarimay yenila kishilerning diniy erkinlikige dexli yetküzmekte .

Xitay chong quruqluqida chiqidighan 4 ‏- iyul tyen'enmén weqesi tor bétining seyshenbe küni bildürüshiche, sichüen genzi oblastliq hökümitining tibetlerge qaratqan kontrolluqi alahide kücheytilgen bolup, hökümet xadimliri buyruq chüshürüp 18 yashqa kirmigen tibet yashlirining lama bolushini chekligen shuningdek nurghun budxanilarda tekshürüsh élip bérip kichik lamalarni budxanidin qoghlap chiqarghan.

Genzi oblasti beyyü nahiyisidiki bir lamaning 4 ‏- iyul tyen'enmén weqesi tor bétige bildürüshiche, hökümet yéqinda 18 yashqa toshmighan 13 neper kichik lamani, budxanidin mejburiy qoghlap chiqarghan. Tibetlerning diniy örp ‏- aditi buyiche bala lamalar kichik waqtidin bashlapla budxanigha kirip buddist bilimliri igileydiken. Hazir xitay hökümiti tibet balilirini 18 yashqa kirmigiche budxanigha kirelmeydighan qilip, ularning diniy erkinlikini tosighan. Buningdin sirt yene lamalarning hindistanning daramsaladiki tibet sürgün hökümiti bilen munasiwiti bar ‏- yoqluqi üstide tekshürüsh élip barghan.

Gerche xitay da'iriliri öz puqralirini diniy erkinliktin toluq behrimen bolmaqta dep teshwiq qilip kelgen bolsimu, emma her qaysi din muritlirining diniy erkinlikini izchil türde cheklep kelmekte. Bolupmu Uyghurlarni diniy radikal küchler dégen qalpaq bilen eyiblep, türmilerge tashlighandin sirt hetta ölüm jazasi bilen jazalimaqta. (Eqide)

Pikirler (0)
Share
Toluq bet