Tibette toqunushlar dawamlashmaqta

2008-03-25
Élxet
Pikir
Share
Print

Tibetlerning naraziliq heriketliri özlüksiz dawamlishiwatqan bolup, düshenbe küni sichüen ölkisining tibetler bir qeder zich orunlashqan gerze rayonida tibetlik namayishchilar bilen xitay saqchi qisimliri otturisida yüz bergen toqunushlarda az dégende ikki kishi ölgen.

Merkizi hindistanning daramsala shehiridiki tibet kishilik hoquq we démokratiye merkizining seyshenbe küni xewer qilishiche, xitay saqchiliri tibetlik rahiblarning tinchliq bilen élip barghan namayishini basturushqa urunup, 18 yashliq bir tibetlik rahibni éytip öltürgendin kéyin, namayish toqunushqa aylan'ghan.

Shinxu'a agéntliqining xewer qilishiche, deslepte tibetlik namayishchilar, pichaq, tashlar bilen xitay saqchi qisimlirigha hujum qilip bir saqchini öltürgen.

Sichu'enning tibet chégrisi yéqinigha jaylashqan, gerze shehiride bir nechche kündin béri naraziliq heriketliri dawamlishiwatqan bolup, siyasiy mulahizichilerning qarishiche, gerzede naraziliq heriketlirining dawam qiliwatqanliqi, tibetlerning xitay hökümitining qattiq bixeterlik tedbirlirige qarimay, herikitini dawamlashturuwatqanliqini körsitidiken shuningdek bu ehwal 2008‏ - yilliq olimpik tenheriket yighinini her qandaq bir putlikashanggha uchrimay ötküzüshni arzu qilghan xitay rehberlirini qéyin ehwalgha chüshürmekte. (Ömer qanat)

Pikirler (0)
Share
Toluq bet